Rusiya Nadir Səlifovun təhvil verilməsi ilə bağlı təkrar sorğu göndərib

Bakı/29.10.18/Turan: Oktyabrın 25-də Rusiya XİN İnterpol-un mərkəzi bürosuna Azərbaycanlı kriminal avtoritet Nadir Səlifovun (Lotu Quli) Türkiyədə saxlanılması ilə bağlı təkrar sorğu göndərib.

"Rosbalt" nəşrinin hüquq-mühafizə orqanlarındakı mənbəyə istinadla verdiyi məlumata görə, oktyabrın 8-də Səlifov Türkiyədə saxlandıqdan sonra Rusiya DİN İnterpol-a Səlifovun beynəlxalq axtarışda olduğu və Rusiyanın onun Moskvaya ekstradisiyasını istədiyi haqqında sənədlər göndərib.

Amma cavab gəlməyib: avtoritet əvvəlcə sərbəst buraxılaraq, Türkiyəni tərk etməsi qadağan edilib, daha sonra yenidən saxlanılıb. Buna görə Rusiya DİN İnterpol-a təkrar sorğu göndərib.

"Böyük xəyallar qurmağa gərək yoxdur. Yalnız çox dəhşətli bir şey törədibsə, Türkiyə Səlifovu ekstradisiya etməyə razılaşacaq", deyə mənbə bildirib.

Rusiyada Səlifov insan oğurluğunun təşkili və pul tələb etməklə bağlı iki hadisədə ittiham edirlər. "Rosbalt"ın məlumatına görə, Səlifov həmçinin RF CM-in 209-cu ("Banditlik") maddəsi ilə ittiham oluna bilər və o, Moskva istintaq təcridxanasına düşərsə, böyük qətllərdə ittiham olunacaq.

Rusiya KİV-lərinin məlumatına görə, Səlifov Rusiyada işləyən böyük azərbaycanlı sahibkarlara xərac kəsib, videokonfrans vasitəsilə onları şantaj edib. -02D-