Rusiya Dövlət Dumasında cari ilin fevral ayında Moldovanın Qaqauziya bölgəsində keçirilmiş “xarici müqəddəratı təyin etmə” referendumu müsbət qiymətləndirilib. Rusiya deputatları onu “tamamilə vaxtında keçirilmiş” və Qaqauziya siyasi sisteminin yetkinliyini nümayiş etdirən referendum hesab edir, bu barədə Dövlət Dumasının rəsmi saytındakı məlumatda deyilir.
“Biz fevralın 2-də keçirilmiş referendumu tamamilə vaxtında atılmış addım hesab edirik, plebisitdə suallara çıxarılmış ifadələrə təqdirimizi bildirmək istəyirik”, deyə Dövlət Dumasının MDB işləri üzrə komitəsinin rəhbəri Leonid Slutski Qaqauziya nümayəndə heyəti ilə görüşdə bildirib.
O, Rusiyanın beynəlxalq hüquq normalarına riayət edərək, Qaqauziya ilə tərəfdaşlıq münasibətlərini genişləndirməyə və zəruri dəstəyi göstərməyə hazırdır.
Qaqauziya xalq yığıncağının sədri Dmitri Konstantinov da RF ilə əməkdaşlığın əhəmiyyətinə diqqət çəkərək, rus dilinin muxtariyyət daxilində ünsiyyət üçün qaqauz dilindən sonra ikinci dil olduğunu vurğulayıb.
Öz növbəsində, Qaqauziya rəhbəri Mixail Formuzal rus müəssisələri üçün 5 il ərzində vergi tətili vəd edib. O, həmçinin muxtariyyətin Rusiya ilə enerji sahəsində əməkdaşlıq quracağına ümid etdiyini bildirib.
Formuzal çıxışının sonunda Qaqauziyanın inzibati mərkəzi olan Komrat şəhərində RF konsulluğu açmağı təklif edib. Onun fikrincə, bu, dövlətlərarası əlaqələrin daha çox möhkəmləndirilməsinə şərait yaradacaq.
Qaqauziyadakı referendumda iştirakçıların əksəriyyəti Gömrük İttifaqına daxil olmağın və Rusiyanın tərkibinə daxil olmağın lehinə səs veriblər.
Ukrayna hadisələri və Krımın işğalı fonunda Qaqauziyada Kişinyovdan müdafiə üçün ordu formalaşdırmağa başlandığı elan edilib. Çərşənbə axşamı Qaqauziyanın rəsmi saytının yaydığı məlumata görə, “yaşayış məntəqələrində Xalq Qvardiyasının fəaliyyətinə hazırlıq üzrə işi fəallaşdırılır. Xalq Qvardiyasının fəaliyyətinə hazırlıq işləri iki həftə ərzində həyata keçiriləcək”.
Xatırladaq ki, qaqauzlar xristianlığa sitayiş edən türkdilli xalqdır. Moldovada onların sayı təxminən 100 min nəfər təşkil edir.
Moldovada separatizmin daha bir ciddi mənbəyi 1992-ci ildə müharibə zamanı rus qoşunlarının köməyi ilə işğal edilmiş və həmin vaxtdan Moskvanın dəstəyi sayəsində mövcud olan Dnestryanıdır. -02D-
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz