![Maria Zakharova.](https://turan.az/resized/media/2023/main/070600064083-750-500-resize.webp)
Maria Zakharova.
Rusiya Xarici İşlər Nazirliyi: Fransa Ermənistan-Azərbaycan nizamlanmasında vasitəçi kimi özünü nüfuzdan salıb
Bakı/06.07.23/Turan: Fransa Ermənistan-Azərbaycan münasibətlərinin normallaşmasında vasitəçi kimi özünü nüfuzdan salıb, Rusiya Xarici İşlər Nazirliyinin rəsmi nümayəndəsi Mariya Zaxarova bu gün brifinqdə bildirib.
Onun sözlərinə görə, Paris ATƏT-in Minsk Qrupunun dağılmasında da rol oynayıb.
Eyni zamanda, Zaxarova Fransa Milli Məclisinin Azərbaycanın əleyhinə bəyanat qəbul etməsinə, Bakının rəyi nəzərə alınmadan şübhəli mandatla avropalı müşahidəçilərin mülki missiyasının Ermənistana göndərilməsinə təşəbbüs göstərməsinə diqqəti yönəldib.
Zaxarovanın fikrincə, bu nümayişkaranə addımlar tərəflərə kömək etməyə yox, Rusiyanı bölgədə sıxışdırmaq və öz məqsədinə nail olmağa yönəlib.
"Rusiya uzun müddətdir ki, Fransa və onun prezidenti Makronun bu məsələyə müsbət töhfə vermək qabiliyyətilə bağlı illüziyalara malik deyil", - Zaxarova vurğulayıb.
O həmçinin iyunun 28-də Fransada erməni diasporunun nümayəndələrilə görüşdə Makronun verdiyi bəyanatı qeyd edib. Makron deyib ki, Azərbaycan prezidentinə daha çox təzyiq göstərir, nəinki Ermənistanın baş nazirinə və "az qala təkbaşına bu mövzunu dünya birliyinin gündəmində saxlayır". "Bu cür bəyanatlardan sonra Fransa prezidentinin təvazökarlığının, sadəcə, onun cəsarətindən aşağı olduğu təəssüratı yaranır. Təəssüf ki, o, bu qədər məhsuldar işin praktiki nəticələri barədə heç nə deməyib. Proses var, nəticə yoxdur, bəlkə də o deməyib, çünki nəticələri heç kim və heç vaxt görməyib", - Zaxarova deyib. 06B
-
- Maliyyə
- 6 İyul 2023 15:35
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz