Bakı Birləşmiş Millətlər Təşkilatı sistemində çalışan Azərbaycan vətəndaşlarının sayının artırılmasını təklif edir

Bakı/06.07.23/Turan: Qoşulmama Hərəkatı çərçivəsində Azərbaycan minaların təsirinə məruz qalmış ölkələrin həmfikirlər qrupunun yaradılması ilə çıxış edib. Bu barədə bu gün prezident İlham Əliyev Birləşmiş Millətlər Təşkilatının Cenevrədəki ofisinin baş direktoru Tatyana Valovayanı qəbul edərkən bildirib.

Əliyev qeyd edib ki, Azərbaycanın Qoşulmama Hərəkatının sədri kimi təşkilatın təsisatlanmasına və multilateralizmə daim böyük əhəmiyyət verir. O, Hərəkatın təsisatlanması istiqamətində Azərbaycanın gördüyü işləri, xüsusilə də Parlament Şəbəkəsinin və Gənclər Təşkilatının yaradılması təşəbbüslərini qeyd edib. Həmçinin Azərbaycanın Qoşulmama Hərəkatı çərçivəsində qadın platformasının yaradılması i təşəbbüsü ilə çıxış edib.

Azərbaycanın Ermənistan işğalından azad edilmiş torpaqların minalarla çirkləndirilməsi problemilə üzləşdiyini qeyd edən dövlət başçısı minaların təmizlənməsinin də Dayanıqlı İnkişaf Məqsədi kimi təsbit olunmasının vacibliyini bildirib.

Qoşulmama Hərəkatı çərçivəsində Azərbaycan minaların təsirinə məruz qalmış ölkələrin həmfikirlər qrupunun yaradılması təşəbbüsü ilə çıxış edib.

Tatyana Valovaya prezident İlham Əliyevin minaların təmizlənməsi üzrə yeni Dayanıqlı İnkişaf Məqsədinin yaradılması təşəbbüsünün çox dəyərli və vacib olduğunu vurğulayıb.

Görüşdə Birləşmiş Millətlər Təşkilatı sistemində çalışan Azərbaycan vətəndaşlarının sayının kvotalara uyğun olaraq artırılması məsələsinin vacibliyi də müzakirə edilib.06В