Rusiya XİN Novruz Məmmədovun bəyanatını təhrif edilmiş sayır

Prezident Administrasiyası rəhbərinin müavini Novruz Məmmədov Qarabağ münaqişəsinin mərhələli nizamlanması barədə bəyanat “təhrif edilmiş” adlandırıldıqdan sonra xoşagəlməz vəziyyətə düşüb.

Bu rəyi iyunun 23-də Rusiya XİN-də keçirilən brifinqdə qurumun mətbuat katibi Mariya Zaxarova səsləndirib

Sankt-Peterburq görüşünün yekunlarının Azərbaycan tərəfdən interpretasiyasını şərh etmək xahişinə cavab olaraq Zaxarova deyib ki, bu məlumatı Azərbaycan tərəfinin “əldə  olunan razılaşmanı özünəməxsus şəkildə interpretasiya etmək cəhdi” hesab edir. 

Məlum olduğu kimi, Rusiya, Azərbaycan və Ermənistan prezidentləri üçtərəfli bəyanat qəbul ediblər. Bəyanatda aydın şəkildə deyilir ki, onlar  mayın 16-da Vyanada keçirilən Ermənistan-Azərbaycan sammitində əldə olunan razılaşmanı təsdiqləyirlər. Bu razılaşma münaqişə zonasında vəziyyətin sabitləşməsinə, sülh prosesinin irəliləməsinə xidmət edən atmosferin yaradılmasına yönəlib. Bu məqsədlə onlar belə qərara gəliblər ki, münaqişə zonasında beynəlxalq müşahidəçilərin sayı artırılsın. Həmçinin son vaxtlar təmas xəttində saxlanılan barışıq rejimindən razılıq ifadə olunub, Zaxarova bildirib.

Zaxarova xahiş edib ki, “görüşün yekunlarını  başqa cür yozmaq cəhdlərinin olduğu ədalətsiz bəyanatlara yox, məhz orijinal bəyanata əsaslansınlar”.

“Konkret bəyanat var və bu rəsmi sənəd sayılır. Ona əsaslanmaq lazımdır, kiminsə təhrif edilmiş fikirlərinə yox”, - o vurğulayıb.

İstənilən fikrə dərhal reaksiya verməyə hazır olan N.Məmmədov bu dəfə susur. Ötən gün o, mərhələli nizamlanma barədə razılığın əldə olunması haqda onun sözlərini uydurma adlandıran Ermənistan XİN başçısı Nalbandyanı yalan danışmaqda ittiham edib. Ancaq Zaxarovanın sözlərinə  reaksiya verir. Görünür, ədəb-ərkan imkan vermir.-02D-