Rusiyalı deputat Qarabağ münaqişəsində Moskvanın mövqeyi barədə

Moskva/15.11.18/Turan: Ermənistanın yeni rəhbərliyi ölkənin NATO-ya daxil olmasını istəyir, baş nazirin səlahiyyətlərini icra edən Nikol Paşinyan bu barədə Norveçdə Trident Juncture 2018 təlimlərində iştirakı zamanı bildirib. Bu sensasion bəyanatla Rusiya Dövlət Dumasının deputatı Dmitri Savelyev Pravda.ru nəşrinə müsahibəsində bildirib.

"Son vaxtlar Ermənistan hakimiyyəti Şimali Atlantika Alyansının müxtəlif proqram və tədbirlərində iştirak etməklə NATO ilə hərbi-siyasi əməkdaşlığı möhkəmləndirir, Ermənistanın özündə isə vaxtaşırı Rusiya əleyhinə müxtəlif təzahürlər ortaya çıxır, fikirlər səsləndirilir", - Savelyev qeyd edib.

Bunun əksinə olaraq Azərbaycan hərbi bloka qoşulmamaq siyasətini yürüdür. Ermənistanda hakimiyyət dəyişikliyindən sonra yaranmış yeni geosiyasi şəraitdə və Azərbaycan hərbi gücünün artmasını nəzərə almaqla, Azərbaycanın KTMT ilə sıx qarşılıqlı fəaliyyəti aktual olardı.

Azərbaycan KTMT-yə daxil olan ölkələrlə əməkdaşlıq edir, o cünlədən hərbi-texniki və hərbi-siyasi sahələrdə. Güman edirəm ki, əgər Bakı KTMT-yə daxil olmaq niyyətini rəsmən bəyan etsə, Rusiya Azərbaycanın bu təşkilata qəbulunu dəstəkləyəcək, Savelyev bildirib.

"Əgər Ermənistan Azərbaycanın KTMT-yə qəbuluna qarşı çıxarsa, durum necə olacaq?" sualının cavabında Savelyev deyib ki, Ermənistan və Azərbaycan arasında gərgin münasibətlər səbəb ola bilməz. Uzun illərdir ki, iki NATO ölkəsi -Yunanıstan və Türkiyə arasında münaqişə var. Ancaq onların hər ikisi NATO üzvü olaraq qalır.

Azərbaycanın KTMT-yə daxil olmasını müəyyənləşdirən əsas amillər Ermənistanın müqaviməti olmayacaq, Bakının özünün siyasi iradəsi və Rusiya, Qazaxıstan, Belarus və Tacikistan kimi ölkələrin mövqeyi olacaq. Zərurət yaranarsa, onlar Ermənistanı inandıra bilər ki, KTMT-nin əsas iştirakçılarının maraqlarına zidd hərəkət etməsin. Zərurət isə var. Çünki KTMT-nin Dağlıq Qarabağ münaqişəsinin nizamlanması prosesinə qoşulması danışıqlara müsbət təsir göstərəcək, çünki Azərbaycan və Ermənistanın mövqelərini yaxınlaşdıracaq və bununla da onların arasındakı hərbi əməliyyatların bərpası təhlükəsini azaldacaq", - Savelyev hesab edir.

Ermənistanda Dövlət Dumasının Müdafə və təhlükəsizlik komitəsinin sədr müavini Yuri Şvıtkinin fikirləri ətrafında hay-küy yaranıb. Bu fikirlər Qarabağ münaqişəsinin həllində Rusiyanın silahlı yardım vədi kimi qiymətləndirilib. Bu, belədirmi?

Bu sualın cavabında Savelyev deyib ki, Rusiya Ermənistanın təhlükəsizliyini təmin etməyə hazırdır, o halda ki, bu ölkəyə qarşı hərbi təcavüz olsun. Yerevana qarşı aqressiya olarsa, KTMT-nin bütün üzvləri Ermənisana hərbi dəstək göstərməlidir, Dağlıq Qarabağa yox.

"Yenə də təkrar edirəm: Qarabağ münaqişəsində Yerevanın Rusiyadan gözlədiyi hərbi dəstəyə gəlincə, bunun məsələnin hüquqi tərəfi ilə əlaqəsi yoxdur, əgər biz KTMT-dən danışırıqsa. Ermənistana hücum etmək Azərbaycanın fikrində belə olmayıb. Hərbi hərəkətlər erməni ərazisi olmayan tanınmamış Dağlıq Qarabağ Respublikasının ərazisində baş verir. Bundan əlavə, Dağlıq Qarabağ Respublikası bu gün hüquqi baxımdan heç kim tərəfindən tanınmayıb, hətta Ermənistanın özü tərəfindən. Bu baş verənlər nəyə lazım o zaman? Niyə Rusiya və ya KTMT iştirakçısı olan digər ölkə Azərbaycan torpağında baş verən münaqişəyə müdaxilə etməlidir?", - deputat vurğulayıb.-02D-