Rusiyalı deputatlar Xocalı soyqırımı qurbanlarının xatirəsinə həsr olunmuş yürüşdə iştirak edirlər
Bakı/26.02.19/Turan: RF Dövlət Dumasının deputatlarından ibarət böyük bir qrup fevralın 26-da Bakıda Xocalı soyqırımının qurbanlarının xatirəsinə həsr olunmuş ümumxalq yürüşündə iştirak edib.
Yürüş iştirakçıları arasında Dövlət Dumasının beynəlxlaq məsələlər komitəsinin sədr müavini İrina Rodnina, Dövlət Dumasının iqtisadi siyasət komitəsinin üzvü Aleksey Juravlev, Dövlət Dumasının dövlət quruculuğu və qanunvericilik komitəsinin sədr müavini Mixail Yemelyanov, ailə, qadın və uşaq məsələləri üzrə komitənin sədr müavini Oksana Puşkina, sağlamlığın qorunması komitəsinin üzvü Tatyana Tsıbizova, təhlükəsizlik və korrupsiyaya qarşı mübarizə komitəsinin sədr müavini Dmitri Savalyev və deputat Denis Parfenov var idi
Bundan başqa, yürüşdə region üzrə Rusiya ekspertləri - İqor Korotçenko, Aleksandr Şatilov, Aleksandr Rusnak, Sergey Markov, Darya Qrevtsova, Aleksey Bıçkov və digərləri iştirak ediblər.
Dünən Dövlət Dumasının deputatları və Rusiyalı ekspertlər AzTV-yə müsahibə veriblər, Xocalı faciəsi mövzusuna toxunublar.
Milli Məclisin deputatı, Azərbaycanın rus icmasının rəhbəri Mixail Zabelinin Turan-ın müxbirinə verdiyi məlumata görə, RF nümayəndə heyəti ortaq gələcəyin qurulması, ortaq keçmişin axtarışı, ortaq bu günün inkişafı mövzusuna Rusiya-Azərbaycan konfransında iştirak edib.
Zabelinin sözlərinə görə, konfrans Xocalı faciəsinin 27-ci ildönümü ərəfəsində keçirilib, konfransda bu hadisələr, ümumilikdə Qarabağ münaqişəsi, işğal edilmiş ərazilərin azad edilməsi zərurəti də müzakirə olunub. -06D--
-
- Maliyyə
- 26 Fevral 2019 12:52
Siyasət
-
Bu gün vəkil Elmar Süleymanov 1 saylı Bakı İstintaq Təcridxanasında Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli ilə görüşüb.
-
1 May - Beynəlxalq Əmək Günündə işçi haqları fəalları işçilərlə həmrəy olduqlarını nümayiş etdirmək üçün Bakının Mərkəzi Parkında yerləşən körpüyə "Sahib olduğunuz sərvət işçilərdən oğurluqdur" bannerini asıblar.
-
Mayın 1-də Azərbaycan prezidenti İlham Əliyev İraq Respublikası parlamentinin sədri Möhsin Əli Əkbər Əl-Mandalavini qəbul edib.
-
Bakı Şəhər İcra hakimiyyəti Demokratik Qüvvələrin Milli Şurasının mayın 5-də etiraz aksiyası keçirmək barədə müraciətinə yenidən imtina cavabı verib. Bu barədə Turan-a Demokratik Qüvvələrin Milli Şurasının rəhbəri Cəmil Həsənli bildirib.
Rəy yaz