Şəkidə AXCP-nin 3 fəalı saxlanılıb
Şəkidə polis AXCP-nin 3 fəalını saxlayıb. Partiyanın yerli şöbəsinin fəalları Mübariz Əbdülkərimov, Samir Həsənov və Aydın Əliməmmədov noyabrın 10-u axşam saatlarında oturduqları çay evindən rayon polis şöbəsinə aparılıb.
AXCP Ali Məclisinin üzvü Əli Abdullayev Turan-a bildirib ki, polis fəalların olduğu avtomobilin yolun əks istiqamətdə getdiyini bildirib və hər üç fəalı rayon polis şöbəsinə aparıb.
Onun sözlərinə görə, izahat alındıqdan sonra fəallardan Aydın Əliməmmədov gecə saat 3 radələrində azad buraxılıb və yenidən polis şöbəsinə gəlməsi tələb olunub.
“Hazırda hər üç fəal polis şöbəsindədir. Onlarlın saxlanmasının səbəbi izah edilmir. Əgər bunların olduğu avtomobilin sürücüsü yol hərəkəti qaydasını pozubsa, cərimə edilsin. Amma onlar olduğu avtomobilin sürücüsünün qaydanı pozmadığını deyirlər”, deyə o qeyd edib.
O, Mübariz Əbdülkərimov və Samir Həsənov barəsində İnzibati Xətalar Məcəlləsinin 310-cu maddəsi ilə (polisin qanuni tələbinə tabe olmamaq) ittihamı ilə protokol tərtib edildiyini və fəalların məhkəməyə aparılacağı deyildiyini bildirib. -03D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz