![Ədliyyə Nazirliyi qanunsuz olaraq İntiqam Əliyevlə görüşdən imtina edib](https://turan.az/resized/media/2015/main/111100136089-750-500-resize.webp)
Ədliyyə Nazirliyi qanunsuz olaraq İntiqam Əliyevlə görüşdən imtina edib
Ədliyyə Nazirliyi Turan İnformasiya Agentliyinin direktoru Mehman Əliyevin 6 saylı cəzaçəkmə müəssisəsində cəza çəkən Hüquq Maarifçiliyi Cəmiyyətinin rəhbəri İntiqam Əliyevlə görüşünün təşkilindən imtina edib.
Məktub oktyabrın 15-də ədliyyə naziri Fikrət Məmmədovun adına göndərilib. Məktubda Azərbaycan Respublikası Cəzaların İcrası Məcəlləsinin 22.2-ci maddəsinə uyğun olaraq İntiqam Əliyevlə jurnalist qismində görüş üçün şərait yaradılması xahiş olunub. Bu maddə icra hakimiyyəti orqanının (Ədliyyə Nazirliyi) icazəsilə jurnalistlərə məhbuslara başçəkmə hüququ verir.
Penitensiar Xidmətin rəis müavininin vəzifəsini müvəqqəti icra edən Rafiq Ramazanovun imzaladığı cavab məktubunda deyilir ki, jurnalistin müraciəti “İctimai iştirak haqqında” qanunun tələblərinə “uyğun olmadığına”, eləcə də qohumluq əlaqələrinin olmadığına və digər əsaslara görə görüş üçün şərait yaradılması arzuolunan deyil.
“Cavab qanunvericiliyə ziddir və jurnalist kimi mənim hüquqlarımı Ədliyyə Nazirliyi tərəfindən pozur. “İctimai iştirak haqqında” qanuna isnad yersizdir. Mən cənab Ramazanovun isnad etdiyi qanunun əsas məqsədi olan hakimiyyət orqanı üzərində ictimai nəzarəti həyata keçirmək və ya Ədliyyə Nazirliyinə, yaxud digər dövlət orqanına məsləhətlər hazırlamaq üçün görüş istəməmişəm. Sadəcə, tanınmış məhbusla görüşmək və məni maraqlandıran mövzular ətrafında söhbət etmək istəmişəm. Bu, mənim hüququmdur, ölkə qanunlarının mənə verdiyi hüquq”, - Mehman Əliyev bildirib.
M.Əliyevin fikrincə, Ədliyyə Nazirliyi jurnalist kimi onun informasiya əldə etmək hüququnu pozub.
“Mən Ədliyyə Nazirliyinin bu yanaşmasını seçici hesab edirəm. Mən əvvəllər də islah müəssisələrində jurnalistlər Qənimət Zahid, Rauf Arifoğlu, Eynulla Fətullayev, Müşfiq Hüseynova baş çəkmişəm”, - M.Əliyev qeyd edib.-0-
-
- Siyasət
- 11 Noyabr 2015 14:48
-
- İqtisadiyyat
- 11 Noyabr 2015 16:28
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz