Siyasətçilər və ekspertlər Əliyevlər ailəsinin biznesi barədə

“İlham Əliyevin ailəsinin offşor zonalarda qanunsuz biznesi haqda informasiya yeni deyil”, - “Şərq-Qərb” Araşdırmalar Mərkəzinin rəhbəri Ərəstun Oruclu Turan-a bildirib.

Prezidentin ailə üzvlərinin və əhatəsinin biznes fəaliyyətindən xəbər verən sənədlər, jurnalist araşdırmaları dərc olunub. 

“Bu məsələnin yeni tərəfi odur ki, prezidentin özünün biznes-strukturunun olmasına dair sənədli sübutlar ortaya çıxıb”,- Ə.Oruclu vurğulayıb. 

O hesab edir ki, bu sənədlər təsadüfən yayılmayıb. “Bu, Qərbin rəsmi Bakının təhdidlərinə cavabdır.

Azərbaycan hakimiyyəti  ABŞ-ın Milli Demokratiya İnstitutuna qarşı ittiham kampaniyasına başladıqdan sonra Qərb tərəfdən cavab reaksiyasını gözləmək olardı. Belə ki, Bakının NDİ-ni gözdən salmaq cəhdləri, həbs olunmuş fəallardan  bu təşkilata qarşı ifadənin alınmasına cəhdlər cavab reaksiyası doğurmaya bilməzdi.  

Açıqlanmış faktlar cəmiyyətdə ciddi müzakirə predmeti olacaq. Əhalinin əksəriyyəti ayda 200-300 manat qazanır və indi də onlar görür ki, hakim rejim milli sərvətləri mənimsəyir.

Ə.Oruclu istisna etməyib ki, bu sənədlər beynəlxalq cinayət təhqiqatının predmeti olacaq. ABŞ məhkəməsi dünyada istənilən şirkətin barəsində korrupsiya faktını araşdırmaq səlahiyyətinə malikdir.

EL ictimai-siyasi hərəkatının rəhbəri Eldar Namazov hesab edir ki, dövlət başçısı İlham Əliyev bu faktlarla bağlı açıqlama ilə çıxış etməlidir.

Bu, vacibdir, çünki həmin sənədlərdə və digər jurnalist araşdırmalarında qanunsuz biznesdən danışılır. Dövlət vəzifəsində olanlara sahibkarlıqla məşğul olmaq qadağandır, hələ korrupsiyadan danışmırıq. Odur ki, araşdırmada adları çəkilən şəxslər açıqlamalarla çıxış etməlidirlər.

Bu mövzuda materiallara baxış statistikası adi materiallara baxışdan yüz dəfə çoxdur ki, bu da sənədlərə ictimai marağın olduğunu göstərir.

Açıq izahatın olmaması irəli sürülən ittihamların əsaslı və ədalətli olmasının qəbul edilməsi kimi qiymətləndiriləcək, Namazov qeyd edib. 

Xatırladaq ki, yuxarıda sadalanan faktlar açıqlandıqdan prezidentin mətbuat xidmətinin rəhbəri Azər Qasımov bildirib ki, prezidentin bizneslə məşğul ola bilər. “Azərbaycanın digər vətəndaşları kimi onlar da bizneslə məşğul ola bilər. Qanun onlara bu imkanı verir. Bunda qeyri-adi bir şey görmürəm”, - A.Qasımov BBC-yə bildirib.

Media Hüququ İnstitutunun Rəşid Hacılı A.Qasımovun sözlərini Turan-a şərh edərkən deyib ki, prezidentin ailə üzvləri bizneslə məşğul ola bilər. Lakin onlar öz gəlir mənbələrini açıqlamalıdırlar. Bundan əlavə, bu biznesin nə dərəcədə şəffaf olmasına aydınlıq gətirilməlidir. Cəmiyyət bu suallara cavab almalıdır.

Müsavat Partiyasının sədri İsa Qəmbər hesab edir ki, “The Gardian”da dərc olunmuş məqalədə və digər hesabatlarda çox korrupsionerin adı çəkilir.

Əliyev rejimi demokratiya sahəsində beynəlxalq standartlara əməl etmir, beynəlxalq təşkilatlar qarşısındakı öhdəliklərini yerinə yetirmir və Azərbaycanda da etiraz hərəkatı güclənir, demokratik qüvvələr möhkəmlənir.

“Bu, Əliyev rejiminin korrupsiyası haqda il informasiya deyil. Bundan əvvəllər də Əliyevlər ailəsinin Dubaydakı villaları haqda məqalə dərc olunmuşdu və “Müsavat” dövlət başçısından hesabat tələb etmişdi. Yeni məqalə bu məsələləri aktuallaşdırır. 

“Biz bir daha demokratik ictimaiyyəti İlham Əliyevin istefasını tələb etməyə çağıracağıq”, - İ.Qəmbər vurğulayıb.-03/06/16V-