Statoil Xəzərin dəriinliyində qaz axtaracaq

ARDNŞ ilə Norveç Statoil-u "Zəfər-Məşəl" perspektiv strukturunun birgə işlənməsi üzrə memorandum imzalayacaq. Mərasimin 8 apreldə Bakıda Dünya İqtisadi Forumunda olacağı bildirilir. 

Turan qeyd edir ki, bu blok üzrə 10 il əvvəl Exxon Mobilin operatorluğu ilə PSA saziş çərçivəsində ilk kəşfiyyat işləri aparılıb. “Zəfər-Məşəl" perspektiv strukturunda kəşfiyyat barədə saziş 27 aprel 1999-cu ildə imzalanıb və 8 may 2000-ci ildə parlamentdə təsdiq edilib. İştirakılar bunlardır: ARDNŞ 50%, ExxonMobil - 30%, ConocoPhillips - 20%.

Yatağın ərazisi 643 kv m, dənizin dərinliyi 450-950 metrdir. Kəşfiyyata hazırlıq uzun müddət aparılıb. “Zəfər”də ilk kəşfiyyat quyusu "Heydər Əliyev" qazma qurğusundan 8 noyabr 2003-cü ildə danimarkanın Maersk Contractors şirkəti tərəfindən aparılıb. Qazma yerində suyun dərinliyi 618 m olub. Xəzərdə beləd ərinlikdə qazma işləri aparılmamışdı. 

2004-cü ilin oktyabrında 7087 metr dərinliyə çatılıb. Nəticədə karbohidrogenlərin kommersiya ehtiyatı tapılmayıb. 50 mlrd m3 qaz ehtiyatı olan kiçik lay tapılıb. İlk kəşfiyyat quyusunun qazılmasına $150 mln xərclənib. 

“Zəfər-Məşəl" perspektiv strukturu Bakıdan 130 km cənub-şərqdə, kürün deltasından 90 km məsafədədir. Strukturlar seysmik tədqiqatlar nəticəsində 1961-ci ildə aşkarlanıb, ilk geofiziki işlər 1985 və 1987-ci illərdə aparılıb. 

ARDNŞ geoloqları hesab edir ki, təkcə "Zəfər"də 250-300 mlrd m3 qaz var. 

Statoil Azərbaycanda iri beynəlxalq layihələrdə - AÇG, "Şahdəniz", BTC-də iştirak edir. Həmçinin şirkət yeni qaz layihələrinə (TANAP və Avropa marşrutları) maraq göstərir. –12B—