Britaniyanın Sky News telekanalının məlumatına görə, onun jurnalistlərinin gizli kamerası Londonda Excel Olimpiya Mərkəzinin qarşısında “azərbaycanlı rəsmi şəxslərin” olimpiya oyunlarına bilet satmasını lentə alıb.
“Mən özüm bileti 125 funta alıram və onları Azərbaycanın rəsmi nümayəndəsinə verirəm. Son həftə, yəni Olimpiada başladığı vaxtdan biletlərə 2000 funt xərcləmişəm, qəbzlər məndədir”, - Olimpiadada Azərbaycan nümayəndə heyətinin rəhbəri İlham Mədətov BBC-yə bildirib.
“Heç kimdə məlumatda deyildiyi qədər bilet ola bilməz”, - o qeyd edib.
Sky News bildirir ki, çiyninə Azərbaycanın bayrağını salan şəxsin satdığı biletlərin üzərində “Azərbaycan Olimpiya Komitəsi” yazısı oxunur. İ.Mədətov bu məlumatı təkzib edərək bildirib ki, “bu fikir həqiqətəuyğun deyil”.
Telekanalın reportajında deyilir ki, özünü Azərbaycanın nazirliklərinin birinin əməkdaşı kimi təqdim edən şəxs qara bazarda “pulsuz” bilet – avqustun 3-də yüngül çəki kateqoriyasında boks üzrə yarışlara bilet satışı ilə məşğul olur.
İ.Mədətov Sky News-un göstərdiyi şəxsin “olimpiya turist paketi” üzrə Bakıdan Londona gedən turistlərdən birinin ola bilməsini istisna etməyib. -02D-
Siyasət
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
-
Ukrayna Prezidenti Vladimir Zelenski Azərbaycan xalqına başsağlığı verib
-
Ağ Ev cümə günü bildirib ki, prezident Co Bayden Qazaxıstanda AZAL təyyarəsinin qəzaya uğraması ilə bağlı vəziyyətlə və “baş verənlər barədə məlumatlandırılır”, Turan-ın müxbiri Vaşinqtondan xəbər verir.
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
Rəy yaz