Soçidə üçtərəfli görüş qarşılıqlı kompromislərə zəmin yaradıb - Putin

Bakı/23.11.22/Turan: Hərtərəfli Ermənistan-Azərbaycan nizamlanması KTMT-yə üzv ölkələrin diqqətini tələb edir. Bunu noyabrın 23-də İrəvanda keçirilən OBKB sammitində Rusiya prezidenti Vladimir Putin deyib.

“Biz Azərbaycan, Ermənistan və Rusiya Federasiyası liderlərinin oktyabrın sonunda Soçidə keçirilən sammitini müsbət qiymətləndiririk. Baş tutan danışıqlar fundamental məsələlər üzrə gələcək kompromislər üçün yaxşı zəmin yaradıb”, - deyə Putin bildirib.

Vacibdir ki, birgə bəyanatda 2020 və 2021-ci illərdə ki  üçtərəfli razılaşmalara sadiqliy bir daha təsdiqlənmişdir və Cənubi Qafqazda sülhün və sabitliyin təmin edilməsində üçtərəfli əməkdaşlığın əsas rolunu qeyd edilmişdir.

“Yalnız sərhədlərin delimitasiyası, nəqliyyat kommunikasiyalarının açılması və humanitar problemlərin həlli ilə bağlı bu sazişləri ardıcıl şəkildə yerinə yetirməklə Ermənistanla Azərbaycan arasında münasibətlərin normallaşmasına nail olmaq olar. Ümid edirik ki, bu, sonda Yerevanla Bakı arasında sülh müqaviləsinin bağlanmasına gətirib çıxaracaq”, - Rusiya prezidenti vurğulayıb.

Maraqlıdır ki, Putin ondan əvvəl çıxış edən Nikol Paşinyanın ittihamlarına heç bir reaksiya verməyib. Belə ki, Ermənistanın baş naziri faktiki olaraq KTMT-ni fəaliyyətsizlikdə və Ermənistanı “Azərbaycanın təcavüzündən” qorumaqdan imtina etməkdə ittiham etmişdir.

Bütün digər KTMT ölkələrinin rəhbərləri də Ermənistanın müdafiəsinə çıxmadı. -0-