Suriyanın şimalında hərbi əməliyyat Türkiyə-Suriya müharibəsinə çevrilə bilər

Bakı/14.10.19/Turan: Kürd dəstələri Suriya hakimiyyəti ilə razılıq əldə ediblərlə və ölkənin şimalına nəzarəti onlara təhvil verirlər. Son saatlar ərzində Suriyanın hökumət ordusu Rakka əyalətində əvvəllər kürdlərin nəzarəti altında olan Tabka şəhərinə daxil olubvə şimala doğru irəliləməyə davam edir, xəbəri Livanın al-Mayadeen telekanalı yayıb. Dəməşqdən hələlik bu barədə rəsmi bəyanat olmayıb, xəbəri RİA-Novosti yayıb.

Suriya dövlət televiziyasının məlumatına görə, Əsəd ordusu Haseke əyalətinin şimal-qərbində Tell-Tamr qəsəbəsinə çatıb.

Oktyabrın 9-da Türkiyə prezidenti Erdoğan Suriyanın şimalından Kürdistan İşçi Partiyasının (PKK) dəstələrini və terrorçu "İslam dövləti" qruplaşmasını sıxışdırıb çıxarmaq məqsədilə "Sülhün mənbəyi" əməliyyatının başladığını elan edib. Elə həmin gün Türkiyə aviasiyası Rəs el-Ayna və digər şəhərlərə zərbələr endirib.

Bunun ardınca yerüstü hücum başlayıb. Şənbə günü Ankara türk hərbiçilərinin və Suriyanın silahlı müxalifatənin Rəs el-Aynı nəzarətləri altına götürdüyünü bildirib, Anadolu agentliyi isə Tell-Abyadın ələ keçirildiyi haqqında məlumat yayıb.

Bazar günü Dəməşq Türkiyə ilə sərhədində kürdlərə yardım üçün ordu yerləşdirmək qərarı qəbul edib. Hökumət qoşunları artıq ölkənin şimalına qüvvə yığmağa başlayıblar.

Bir müddət əvvəl Vaşinqton kürdləri dəstəkləyirdi, amma Türkiyə əməliyyatı başladıqdan sonra amerikalılar qoşunlarını çəkdiyini bəyan edib. Pentaqondan qeyd ediblər ki, kürdləri qorumaq üçün Ankara ilə müharibə etməyə "imza atmayıblar". PKK bunu satqınlıq kimi qəbul edib. -02D-