Tehran və Bakı arasında əməkdaşlıq haqqında 12 sənəd imzalanacaq
Tehran/13.03.18/Turan: Azərbaycan-İran hökumətlərarası komissiyanın iclasının yekunlarına əsasən Tehran və Bakı arasında əməkdaşlıq haqqında 12 sənəd imzalanacaq. Bu barədə çərşənbə axşamı Tehranda İranın iqtisadiyyat və maliyyə naziri Məsud Karbasian bildirib.
İkigünlük iclas zamanı aşağıdakı işçi qrupları yaradılacaq: iqtisadi, ticarət, bank, nəqliyyat, kommunikasiya, energetika, su, kənd təsərrüfatı, elmi-tədqiqat komitələri, İRNA agentliyi məlumat yayıb.
M.Karbasian və onun azərbaycanlı həmkarı Şahin Mustafayev martın 13-də Tehranda hökumətlərarası komissiyanın iclasının açılışında iştirak ediblər.
İranlı nazir deyib ki, iki ölkə prezidenti bank əməkdaşlığının inkişafında qərarlıdır.
Azərbaycanlı nazir son 4 ildə iki ölkə arasında qarşılıqlı əməkdaşlığın səviyyəsinin artdığını qeyd edib.
İmzalanmağa hazırlanan sənədlərin arasında Rəşt-Astara dəmir yolunun tikintisinin maliyyələşdirilməsinə dair kredit sazişi də var.
Ş.Mustafayevin sözlərinə görə, sənəd martın sonlarında İran prezidentinin Bakıya səfəri zamanı imzalanacaq.
Onun sözlərinə, görə, Bakıdakı özəl klinikalardan biri İran tərəfə veriləcək və burada İrandan gələn həkimlər çalışacaqlar.-02D-
-
- Siyasət
- 13 Mart 2018 17:23
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz