Türkiyə Baş Qərargahının keçmiş rəisi həbs edilib

Türkiyə Silahlı Qüvvələri Baş Qərargahının keçmiş rəhbəri İsmayıl Hakkı Karadayı 1997-ci ildə dövlət çevrilişinə cəhddə ittiham olunaraq həbs edilib. Bu barədə Türkiyə KİV-i məlumat yayıb.

  Cümə axşamı general Ankaraya aparılacaq və 1997-ci il hadisələri haqda ifadə verəcək. Belə ki, o zaman hərbçilərin təzyiqi altında baş nazir Nəcməddin Ərbakan  hakimiyyətdən uzaqlaşdırılıb. İş üzrə təhqiqat ötən il başlanılıb, bu çərçivədə bir sıra yüksək vəzifəli hərbçilər həbs olunub.
  2009-cu ildə Karadayının adı “Ergenekon” işinin təhqiqatı üzrə hallanırdı. Bu iş üzrə keçənlər 2003-cü ildə Tayyib Ərdoğan  hökumətini devirməyə cəhd göstəriblər. Lakin o zaman generala qarşı ittiham irəli sürülməmişdi. -02D-
 

Rəy yaz

Siyasət

Bizi sosial şəbəkələrdə izləyin

Xəbər lenti