Türkiyədə məhkəmə məhkəmə sisteminə nəzarəti gücləndirən qanunu ləğv edib

Türkiyənin Konstitusiya Məhkəməsi prezident Abdulla Gülün imzaladığı, hökumətin məhkəmə sisteminə daha çox nəzarətini nəzərdə tutan qanunu qəbul etməyib.

Türkiyənin NTV telekanalının yaydığı məlumata görə, məhkəmə qanunun bəzi bəndlərinin konstitusiyaya zidd olduğunu hesab edib.

İslahat təşəbbüsü 2013-cü il dekabrın sonunda korrupsiya qalmaqalı fonunda irəli sürülüb. 24 fiquranta, o cümlədən nazirlər kabineti üzvlərinin üç oğluna qarşı müxtəlif korrupsiya aktlarında ittihamlar irəli sürülüb. Nazirlər kabinetinin üç üzvü oğullarının ünvanına ittihamlarla əlaqədar istefa verdikdən sonra Türkiyə baş naziri on naziri istefaya göndərib.

Xatırladaq ki, fevralın 12-də Türkiyə hökumət müxtəlif səviyyəli 166 hakimi istefaya göndərib. Bu, ölkə Ali Məhkəməsinin qərarına əsasən baş verib.

Ankarada, həmçinin İstanbulda və İzmirdə yüksək vəzifələr tutan hakimlər, prokurorlar da vəzifədən azad edilib. Türkiyə KİV-lərinin məlumatına görə, korrupsiya qalmaqalında əli olan altı minə yaxın polis zabiti də vəzifələrindən məhrum olub. -02D-