Türkiyənin keçmiş Baş Qərargah sədri ömürlük həbs cəzası alıb

Türkiyə ordusunun Baş Qərargahının keçmiş rəisi İlker Başbuğ dövlət çevrilişi təşkilinə görə ömürlük həbs cəzasına məhkum edilib. İttiham tərəfi o və digər 63 nəfər, o cümlədən 9 general üçün belə cəza tələb edib, xəbəri BBC yayıb.

2008-2010-cu illərdə orduya rəhbərlik edən Başbuğ ünvanına bütün ittihamları inkar edib.

Bir müddət əvvəl Türkiyə məhkəməsi 21 təqsirləndirən şəxsə bəraət verib, daha 253 nəfərin taleyi hələlik məlum deyil, onlar hökm gözləyir.

Ümumilikdə beş il əvvəl hakimiyyətin devrilməsini hazırladığına görə müttəhimlər kürsüsündə 270 nəfərdən çox insan var idi. Onlar arasında Türkiyənin silahlı qüvvələrinin yüksək vəzifəli nümayəndələri, hüquqşünaslar, alimlər və jurnalistlər var idi.

Onlar hamısı milliyyətçi əhval-ruhiyyətli ordu zabitlərindən ibarət “Ergenekon” qrupu ilə əlbirlikdə ittiham olunur. İttiham tərəfin fikrincə, bu qrup Erdoğan hökumətinin devrilməsi məqsədilə yaradılıb.

Müttəhimlər qanunsuz fəaliyyətlə yanaşı, həm də çevrilişin təşkilinə qədər qanunsuz silah saxlamaqda da ittiham olunurlar.

Proses keçmiş Baş Qərargah rəisinin saxlanıldığı Silivri həbsxanasının ərazisində xüsusi olaraq təşkil edilmiş zalda keçirilir.

Məhkəmə qərarına etiraz edən minə yaxın şəxs həbsxananın divarları yaxınlığında yürüş təşkil edib. Polis onlara qarşı gözyaşardıcı qaz tətbiq edib.

Ekspertlərin fikrincə, bu məhkəmə islami baxışlara sahib olan baş nazir Recep Tayyip Erdoğanın dünyəvi müxalifətə və orduda narazılara qarşı necə mübarizə aparmağa hazır olduğunu nümayiş etdirir.

Hərbiçilər və 2002-ci ildə hakimiyyətə gəlmiş Erdoğan arasında qarşıdurma 10 ildən çoxdur davam edir. Bu müddət ərzində yüzlərlə zabit həbs edilib.

Türkiyədə hərbiçilər ənənəvi olaraq özlərini ölkənin dünyəvi konstitusiyasının zamini hesab edirdilər. 1960-80-ci illərdə onlar üç çevriliş törədiblər. Ordu çoxdan Erdoğanın rəhbərlik etdiyi islamçı Ədalət və İnkişaf Partiyası ilə münaqişədədir.

ƏİP Rifah Partiyasının siyasi varisi hesab olunur. Bu islamçı partiya 1997-ci ildə hərbi dairələrin təzyiqi nəticəsində istefaya gedən hökumətə rəhbərlik edib. -02D-