Bakı/18.10.18/Turan: Türkmənistan xarici işlər naziri Rəşid Meredov oktyabrın 18-də Azərbaycana səfərə gəlib. Bu barədə Azərbaycan Xarici İşlər Nazirliyinin bu gün yaydığı məlumatda deyilir.
Məlumata görə, R.Meredov Azərbaycan və Türkmənistan xarici işlər nazirlikləri arasında ikitərəfli məsləhətləşmələrdə iştirak etmək məqsədilə Bakıya gəlib.
Məsləhətləşmələrin mövzusu açıqlanmır, amma, çox güman ki, söhbət Türkmənistanın regional nəqliyyat layihələrində iştirakdan gedə bilər. İlk növbədə bu, Bakı-Tbilisi-Qars dəmir yolu layihəsinə qoşulma və Transxəzər qaz kəmərinin həyata keçirilməsi, sonradan Cənub Qaz Dəhlizinə qoşulması perspektivləridir.
Bir müddət əvvəl rəsmi Aşqabad bu layihələrdə iştirak etməkdə maraqlı olduğu barədə aydın işarələr verib. -02B-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz