Vaqe Avetyanı Bakıya buraxmadılar (yenilənib)

Azərbaycan hakimiyyəti erməni əsilli isveçli Vaqe Avetyanı Bakıya buraxmayıb. O, bir sutka Bakı aeroportunun neytral zonasında qaldıqdan sonra Ukrayna hava xətti reysi ilə geriyə uçub.

“Son iki gündə yanımda olanlara təşəkkür edirəm. İki gündə minlərlə məktub aldım. Sülhü dəstəkləyən bütün azərbaycanlılara və ermənilərə təşəkkür edirəm. Əgər hesab edirsiniz ki, bir nəfər tarixi sülhə tərəf az da olsa yönəldə bilər, onda tənbəllik etməyin, sadəcə Facebook istifadəçiləri olmayın. Sülh prosesinə özünüz də az da olsa töhfə verin. Evlərimizdə sülh olsun!”, - Avetyan bazar ertəsi Kiyev aeroportunda olarkən Facebook səhifəsində yazıb.

O, ötən gecə və gündüz Bakı hava limanında oturaraq aqibətinin necə olacağını gözləyib. Ancaq cavab almayıb, ya da ki cavab ondan ibarət olub ki, vizası yoxdur.

Azərbaycan paytaxtında tolerantlıqdan çox danışılır, ancaq bir məmur tapılmadı ki, Ermənistan hakimiyyətinin siyasətini açıq şəkildə pisləyən və öz xalqını Azərbaycanla dostluğa çağıran bu şəxsi qəbul etmək üçün məsuliyyəti öz üzərinə götürsün.

Azərbaycan liderləri öz çıxışlarında erməniləri öz ölkələriin “cinayətkar rəhbərliyi”ni pisləməyə və “bu qanunsuz hakimiyyəti devirməyə” çağırırlar. Ancaq Ermənistan nümayəndələri anlaşma və barış ifadə etdikdə Bakı nə etmək lazım olduğunu bilmir.-02В-

* * *

Erməni yazıçı-dissidenti  Vage Avetyan oktyabrın 8-i gecə  yarısına yaxın İsveçdən Bakıya gəlib.

Öz Facebook səhifəsində yazdığına görə onu hec kəs dəvət etməyib, o özü sylh yaradıcısı kimi gəlib.

Amma aydın deyil ki, onu təyyarəyə vizasız necə buraxıblar?

Görünən odur ki, Avetyan Kiyevdən  Ukrayna aviaşirkətinin təyyarəsilə gəlib.  Amma o İsvec vətəndaşıdır.

Hava limanında Avetyanı neytral zonada saxlayıblar.   Az keçməmiş hakimiyyət nümayəndələri gəlib.

Qısa söhbətdən sonra  onlar “prosesi surətləndirmək” üçün gediblər. Amma dəqiqləşdirilməyib hansı prosesdən söhbət gedir.

Avetyanın sözlərinə görə, o artıq 12 saatdır hava limanındadır.

Avetyan Azərbaycanın ərazi bütövlüyünü tanıdığına görə, Ermənistanda təqiblərə məruz qalıb.

O Xocalı facıəsinə görədə baş sağlıqları verib. Buna görə Ermənistanda onu vətən xaini elan ediblər.

Azərbaycan hakimiyyəti vəziyyəti şərh etmir.

Prinsipcə İsvec vətəndaşına hava limanında da viza verə bilərlər, əgər onu hansısa təşkilat dəvət edib.

Azərbaycan ücün hakimiyyətin ağız dolusu tərifləfiyi tolerantlığı əməldə göstərmək ücün Avetyanı lazımı səviyyədə qəbul etmək daha faydalı  olardı, nəinki onunla qanunsuz miqrant kimi davranmaq.

Ələlxüsusda İlham Əliyevin avropalıların  Yaxın Şərdən olan miqrantlarla qeyri-insanı davranması  barədə  bəyanatlarından sonra. -02В-