Vətəndaş cəmiyyəti institutları rəsmi Bakını gəncləri gözdənsalma kampaniyası aparmaqda ittiham edib
Ölkənin 30-dan çox vətəndaş cəmiyyəti institutları fəal siyasi gənclər Əbülfəz Qurbanlı, Turqut Qəmbər və İlkin Rüstəmzadənin inzibati cəza müddətində hüquqlarının pozulmasına etiraz ifadə edən bəyanat yayıb.
Müəlliflər 2009-cu il aprelin 30-da Neft Akademiyasında baş vermiş terror aktı qurbanlarının xatirəsini anmaq üçün 2013-cü il aprelin 30-da keçirilən anım akisyasında iştiraka görə saxlanılaraq, 10 gün inzibati cəza verilməsinin özünü qanunsuzluq sayırlar. Hər üç gəncin təcridxanada təmizlik işləri görərkən fotolarının çəkilərək iqtidaryönlü İnternet resurslarında nümayiş etdirilməsi qəti şəkildə pislənilir. Bu fotoların yayılmasında məqsədin onları mübarizədən çəkindirmək, aşağılamaq olduğu qeyd edilir. Gənclərə vəkillərilə görüş verilmədiyi, aparılan ərzaqların qəbul olunmaması, zorla saçlarının qırxılması işgəncə, qeyri-insani rəftar kimi dəyərləndirilir.
Polis tərəfindən qorunan xüsusi məntəqədə bu üç gəncin fotolarının yayılması qanunsuz və cəzalandırılmalı əməl sayılır. İnternet saytların qapalı bir rejimdə çəkilən fotoları əldə etməsinin xeyli suallar doğurduğu xatırladılır. Müəlliflər fotoların yayılmasında müvəqqəti təcridxana rəhbərliyinin əli olduğunu bildirir və Daxili İşlər Nazirliyinin buna görə məsuliyyət daşıdığı vurğulanır.
“Adları çəkilən gənclərin həbsinin siyasi sifarişlə baş verdiyini yada salaraq, onlara qarşı qanunsuz hərəkətləri və fotolarının yayılmasını rəsmi Bakının öz opponetlərini gözdənsalma kampaniyası sayırıq”, - deyə müəlliflər nəzərə çatdırırlar.
AXCP Gənclər Komitəsinin sədri Əbülfəz Qurbanlı, “NİDA” gənclər hərəkatı İdarə Heyətinin üzvü Turqut Qəmbər və siyasi fəal İlkin Rüstəmzadə 2013-cü il aprelin 30-da anım aksiyasında iştiraka görə saxlanılıblar. -05D-
-
- Cəmiyyət
- 13 May 2013 16:29
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz