VI Qlobal Bakı Forumu açılıb
Bakı/15.03.18/Turan: |Martın 15-də "İnklüziv cəmiyyətlərin qurulması üçün fərqliliklərin aradan qaldırılması" mövzusunda VI Qlobal Bakı Forumu işə başlayıb.
Üç gün davam edəcək tədbirə 50-dən çox ölkədən 500-dək nümayəndənin qatıldığı bildirilir.
Azərbaycan prezidenti İlham Əliyev və xanımı, birinci vitse-prezident Mehriban Əliyeva Forumun açılış mərasimində iştirak ediblər.
Forumda prezident İ.Əliyev nitq söyləyib. Dövlət başçısı xatırladıb ki, bu il Azərbaycan Xalq Cümhuriyyətinin 100 illiyi qeyd ediləcək: "İlk dəfə Şərqdə Azərbaycan xalqı 100 il əvvəl demokratik cəmiyyət quruculuğunu həyata keçirib. İlk dəfə Şərqdə qadınların səsvermə hüququ təmin edilib və bir çox Avropa ölkələrindən əvvəl qadınlara səs hüququ verilib. Ancaq təəssüf ki, iki il sonra Azərbaycan Xalq Cümhuriyyətinin müstəqilliyinə son qoyulub. Müstəqilliyi qorumaq qazanmaqdan daha çətindir. Bu gün Cümhuriyyətin qurucuları Azərbaycanı görsələr, fəxr edərdilər. Biz də Cümhuriyyətin qurucuları ilə fəxr edirik".
İ.Əliyev Azərbaycanın iqtisadi sahədə uğurlarından, regional enerji və nəqliyyat-loqistika layihələrinin həyata keçrildiyini bildirib.
"Hazırda 7 ölkəni birləşdirən "Cənub" qaz dəhlizi layihəsi uğurla icra olunur. Bu layihəyə 40 milyard dollar sərmayə qoyulacaq. Boru kəmərləri Avropanın enerji təhlükəsizliyinin gücləndirilməsinə öz töhfəsini verir. Milli təhlükəsizlik bir çox hallarda enerji təhlükəsizliyindən asılıdır. Azərbaycan nefti Avropada bəzi ölkələrini neftə tələbatının 40 faizini təmin edir", - o bildirib.
İ.Əliyev Dağlıq Qarabağ münaqişəsindən danışarkən mövcud status-kvonun qəbuledilməz olduğunu deyib:
"Münaqişə beynəlxalq hüquq normaları, ərazi bütövlüyü çərçivəsində həll olunmalıdır. Ermənistan 20 ildən artıqdır BMT Təhlükəsizlik Şurasının qətnamələrini yerinə yetirmir. Avropa Şurası və digər beynəlxalq qurumlar da müvafiq qərarlar qəbul ediblər. Ermənistan isə işğal etdiyi torpaqları azad etmək istəmir. Ermənistan Dağlıq Qarabağ və ətraf 7 rayonu işğal edib. Lakin status-kvo qəbuledilməzdir. ATƏT-in Minsk Qrupunun həmsədr dövlətlərinin başçıları da bunu bəyan ediblər. Ermənistan qoşunları dərhal işğal olunmuş torpaqlardan çıxmalı, azərbaycanlılar o torpaqlara qayıtmalıdır. Münaqişə yalnız BMT qətnamələrinə, Helsinki Yekun Bəyannaməsinə uyğun həll edilməlidir".
Forumda Türkiyənin baş naziri Binəli Yıldırım da çıxış edib. O deyib ki, Türkiyə 3 milyondan çox suriyalı qaçqına ev sahibliyi edir. Ancaq dünya bu böhranı aradan qaldıra bilmir.
"Biz səylərimizi birləşdirməliyik, Qarabağda, Suriyada, İraqda və digər yerlərdə törədilən qətliamları unutmamalıyıq. "Qarabağda yaşananlar bizim məsələlər deyildir" deyə bilmərik. Haqsızlığa səssiz qalmaq olmaz", - B.Yıldırım qeyd edib.
-
- Siyasət
- 15 Mart 2018 17:23
Siyasət
-
Bütün dünyada mətbuat azadlığını onun qarantı olmalı olan adamlar – siyasi hakimiyyət təhdid edir. Bunu "Sərhədsiz Reportyorlar" təşkilatının hazırladığı sonuncu illik Ümumdünya Mətbuat Azadlığı İndeksi sübut edir.
-
Peyk çəkilişlərinə görə, Şuşa şəhərinə yaxın Daşaltı kəndi demək olar ki, tamamilə dağıdılıb. Daha doğrusu, evlərin 90 faizi sökülüb. Hakimiyyət bu yaşayış məntəqəsinin rekonstruksiyası və ya yenidən inşa ediləcəyinə dair baş planı barədə məlumat verməyib.
-
Kanal-13 İnternet-TV-nin həbsdə olan rəhbəri Əziz Orucovun səhhəti pisləşib, bu barədə Turan-a onun vəkili Bəhruz Bayramov bildirib.
-
Azərbaycanda parlament seçkiləri noyabrda keçirilməlidir, lakin daha erkən tarixə çəkilə bilər. Bu barədə cümə axşamı MSK sədri Məzahir Pənahov qurumun iclasında bildirib.
Azərbaycan Qərb münasibətlərində dəyişən nəsə varmı? – Əhməd Əlili Çətin sualda
Xəbər lenti
-
- Siyasət,
- 10:43
- 346
Rəy yaz