Vilyam Hacıyev
Bakı/25.07.22/Turan: Bu gün Bakı Ağır Cinayətlər Məhkəməsi İmişli Rayon İcra Hakimiyyətinin keçmiş başçısı Vilyam Hacıyevi 12 il müddətinə azadlıqdan məhrum edib.
Hökmə əsasən, keçmiş icra başçısının əvvəllər üzərinə həbs qoyulmuş 5 milyon 344 min manatlıq əmlakı da müsadirə olunacaq.
Əsasən Bakının Nərimanov rayonunda fərdi ev və mənzil, Xırdalanda iki mənzil, Nardaran qəsəbəsində bağ evi, BMV X5", "Land Rover", BMV 740-1, Bentley Continental GT markalı avtomobillər müsadirə ediləcək.
Əmlakın bir hissəsi zərərçəkmişlərə, qalan məbləğ isə dövlət xəzinəsinə ödəniləcək.
Hacıyev son sözündə bildirib ki, ona qarşı ittihamlar əsaslandırılmayıb. O, məhkəmədən ədalətli qərar çıxarmağı xahiş edib.
Hacıyev 6 may 2020-ci il tarixində Dövlət Təhlükəsizliyi Xidmətinin əməliyyatı zamanı saxlanılıb.
Ona qarşı dövlət vəsaitlərini mənimsəmək, rüşvət almaq, vəzifədən sui-istifadə etmək və bir sıra digər cinayətlər törətməklə bağlı ittihamlar irəli sürülüb.
Bundan öncə prokuror Vilyam Hacıyevin 13 il azadlıqdan məhrum olunmasını təklif edib. 16D06
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz