![Vladimir Putin Rusiya-Azərbaycan forumunda çıxış edəcək](https://turan.az/resized/media/2018/main/092700013563-750-500-resize.webp)
Vladimir Putin Rusiya-Azərbaycan forumunda çıxış edəcək
Bakı/27.09.18/Turan: Azərbaycana işgüzar səfərə gələn Rusiya prezidenti Vladimir Putin sentyabrın 27-də IX Rusiya-Azərbaycan Regionlararası Forumunda iştirak edəcək və azərbaycanlı həmkarı İlham Əliyev ilə görüşəcək. Bu barədə RF prezidentinin kremlin.ru saytı məlumat verib.
V.Putin və İ.Əliyev Rusiya-Azərbaycan Regionlararası Forumunun plenar iclasında çıxış edəcəklər. Forum RF İqtisadi İnkişaf Nazirliyi və Azərbaycan İqtisadiyyat Nazirliyi tərəfindən "Roskonqres" Fondunun dəstəyilə təşkil olunur.
Forum iştirakçıları və spikerlər arasında RF iqtisadiyyat naziri Maksim Oreşkin, Azərbaycanın iqtisadiyyat naziri Şahin Mustafayev, iki ölkənin fövqəladə və səlahiyyətli səfirləri, regionların rəhbərləri, işgüzar dairələrin nümayəndələri və ekspertlər var. Forum Rusiya və Azərbaycan regionları arasında ticarət-iqtisadi və humanitar əlaqələrin inkişafına yönəlib.-02D-
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz