• contact.az Contact
  • Bakı
  • Partly Cloudy10.20 C
  • Şənbə, 21 Dekabr 2024
    • flag_EN
    • flag_RU

Son yenilənmə

(1 saat əvvəl)
Azərbaycan Respublikasının Prezidenti Cənab İlham Əliyevə
A- A A+
Turan İnformasiya Agentliyi
Turan İnformasiya Agentliyi

Azərbaycan Respublikasının Prezidenti Cənab İlham Əliyevə

Azərbaycan Respublikası, Bakı şəhəri
 
03.12.2014-cü il
 
Azərbaycan Respublikasının Prezidenti
 
Cənab İlham Əliyevə
 
Açıq məktub
 
Hörmətli cənab Prezident,
 
Sizə bir daha müraciət etmək məcburiyyətindəyəm. Təkrar müraciətimin səbəbi yenə də oğlum Nicat Quliyevdir. Onunla görüşməyə müəssər olan vəkilindən və onu ziyarət edə bilən qohumlardan məlum olur ki onun səhhəti çox pisləşib və sağlamlığı ciddi təhdid altındadır. Bir ata kimi bu hal mənim, ailəsinin və eləcədə bütün qohumlarının və yaxınlarının nigaranlığını ciddi artırmaqdadır. Onsuzda onun həbsidə, ona qarşı yönələn süni ittiham da, təyin olunan cəza da, evində aparılmış axtarış zamanı ailəsinə qarşı yönəlik amansız şiddət də bir kişi olaraq onun üçün ağır sarsıntılara səbəb olmuşdur.
 
Nicat Quliyevə qarşı belə münasibətin səbəbləri mənə məlum deyil. Açığı səbəblərindən asılı olmayaraq (əminəm ki bunun ağlabatan izahı da ola bilməz) mükəlləfiyyəti dövlət xidmətləri  göstərmək olan şəxslərin hərəkətlərində bu kimi yumşaq desək rəzil əməllərə heç bir bəraət ola bilməz. Nicat Quliyevin, və ümumilikdə ailəmiz ətrafında yaranmış vəziyyətlə əlaqədar olaraq bir ailə böyünün keçirdiyi hissləri anlayışla qarşılayacağınızı düşünərək səmimiyyətlə bildirməliyəm ki, belə mənfur əməllərə öz fəaliyyətində yer verən məmurları əcdadlarımızın qurduğu, ümummilli 
liderimiz Heydər Əlirza oğlu Əliyevin möhkəmləndirdiyi, Zati-alinizində uğurlarını əhəmiyyətli artırdığı dövlətimizin orqanlarına heç yaraşmadığını düşünürəm.
 
Hörmətli cənab Prezident,
 
Məsələ sadəcə iztirablarda da deyil - istər özünün, istər biz valideyinlərinin, istərsə həyat yoldaşının və övladlarının. Bu sözün tam mənasında Sizin də yaxşı tanıdığınız bir alicənab insanın məsələsidir. Yaranmış hədsiz gərgin vəziyyət Sizin müdaxilənizin zəruriliyini qaçılmaz edir. Hüquqi ədalətin bərpa olunmasını, Nicat Quliyevin azadlığa qovuşmasını qohumları, yaxınları və güman edirəm ki onu yaxından-uzaqdan tanıyan hər bir vicdanlı və ləyaqətli şəxs gözləyir. Qanunçuluq, haqq və ədalət, milli-mənəvi dəyərlər və insanlıq naminə məsələyə Sizin müdaxilənizi xahiş edirəm.
 
Sizə dərin hörmətimi və inamımı ifadə edirəm.
 
Səmimiyyətlə, 
Əmir Quliyev

Rəy yaz

Söz istəyirəm

  • "Beynəlxalq Humanitar Hüquq üzrə Könüllü Hesabat: İnsanlığın Müdafiəsində Ukraynanın Səsi" Söz istəyirəm
    • 20 Dekabr 2024, 19:40

    "Beynəlxalq Humanitar Hüquq üzrə Könüllü Hesabat: İnsanlığın Müdafiəsində Ukraynanın Səsi"

    Müasir müharibələr insanlığın dözümlülüyünü sınağa çəkir, prioritetləri və dəyərləri yenidən nəzərdən keçirməyə məcbur edir. Belə dövrlərdə yalnız güc nümayiş etdirmək deyil, həm də beynəlxalq hüququn və insanlığın prinsiplərinə bağlılığı göstərmək xüsusilə vacibdir. Rusiya Federasiyasının misilsiz silahlı təcavüzü ilə üzləşən Ukrayna, beynəlxalq humanitar hüququn (BHH) normalarına sadiqliyini qoruyaraq, bu təcavüzə müqavimət göstərir. Ukrayna Müdafiə Nazirliyi tərəfindən təqdim olunan Könüllü Hesabat şəffaflıq, məsuliyyət və ədalət axtarışının simvoluna çevrilib.

    Ardını oxu
  • Müstəqil media olmasa Dövlətə güzgü tutan olmayacaq Söz istəyirəm
    • 20 Dekabr 2024, 14:29

    Müstəqil media olmasa Dövlətə güzgü tutan olmayacaq

    Prezident İlham Əliyev RİA agentliyinə verdiyi müsahibədə Azərbaycanda xaricdən maliyyələşən medianın qarşısının alındığını dedi və söylədi ki, Azərbaycan ABŞ-da, Avropada heç bir medianı maliyyələşdirmirsə, onlar nədən bunu bizim ölkədə etməlidir?!

    Ardını oxu
  • Dövlət başçısına məktub Söz istəyirəm
    • 19 Dekabr 2024, 09:49

    Dövlət başçısına məktub

    Azərbaycan Respublikasının Prezidenti cənab İlham Əliyevə və Azərbaycan Respublikasının Vitse-Prezidenti xanım Mehriban Əliyevaya Göndərən: Amina Fevzi qızı Hacıyeva (Beynəlxalq Bankın keçmiş sədri Cahangir Hacıyevin bacısı)

    Ardını oxu
  • Natiq Cavadlı – Dürüstlük və Ədalətin Simvolu Söz istəyirəm
    • 12 Dekabr 2024, 15:39

    Natiq Cavadlı – Dürüstlük və Ədalətin Simvolu

    İctimai xadim və alim Dr. Cəmil Həsənli, Meydan TV-nin jurnalisti Natiq Cavadlının qaçaqmalçılıqda ittiham olunaraq dörd aylıq istintaq təcridxanasına salınmasına görə dərin narahatlığını ifadə edib. Onu tanıyanlar üçün bu hadisə inanılmaz görünür. Dürüstlüyü, intellekti və həqiqətə bağlılığı ilə tanınan Cavadlı Azərbaycanın ən hörmətli jurnalist və ziyalılarından biri hesab olunur.

    Ardını oxu

Bizi sosial şəbəkələrdə izləyin

Xəbər lenti