Azərbaycan səfirliyinə hücumun arxasında kim və ya nə dayanır?

Bakı/05.08.22/Turan: Tənbəllik etməyən hər kəs Azərbaycanın Londondakı səfirliyinə dünənki hücumun təşkilatçılarını axtarmaqla məşğuldur. Özünü ekspert və analitik hesab edənlər "sifarişçilər" arasında İranın, Rusiyanın və hətta Britaniya xüsusi xidmətlərinin adını çəkir.

İlk olaraq İran izi daha real görünürdü. Amma sonradan səfirliyə hücum edənlərin "Mehdinin Qulları Birliyi"nin üzvləri olduğu yada düşdü - bu, İranın əleyhinə olan bir təşkilatdır və onun lideri Yasir əl Həbib İranın ali dini lideri Əli Xameneyinin şəxsi düşmənidir. Məhz buna görə bir neçə il əvvəl bu qrup İranın Londondakı səfirliyinə hücum etmişdi.

Bu radikal şiə təşkilatına hücum sifarişini kim verə bilərdi?

Bu təşəbbüsün Tehranın təşkilata daxil edilmiş casuslarına aid olduğunu ehtimal etmək olar, amma unutmamalıyıq ki, bu cür qurumlarda demokratiya yoxdur və belə qərarları yalnız qurumun lideri qəbul edir.

Londondakı şiələrin öz təşəbbüsləri ilə Azərbaycandakı şiələrin müdafiəsinə qalxdığı barədə versiya reallığa uyğundur. Onun nə dərəcədə əsaslı olduğunu araşdırma göstərəcək.

Britaniya tərəfin hadisədə iştirakı haqqında versiyaya gəlincə, Londonun belə bir aksiya təşkil etmək üçün heç bir əsası yoxdur. Bu, Böyük Britaniyanın Azərbaycandakı böyük iqtisadi və siaysi maraqlarını zərbə altına qoymaq olardı.

Bundan başqa, Londonda hazırda faktiki olaraq hökumət yoxdur və heç kim xüsusi xidmət orqanlarına belə bir göstəriş verə bilməzdi. Bu aksiyanın MI-5 (əks kəşfiyyat) və ya MI-6 (kəşfiyyat) rəhbərlərinin öz təşəbbüsü olması ehtimalı real deyil. Britaniya Latın Amerikası deyil ki, hər bir zabit özünü ölkənin lideri hesab etsin.

Britaniya əks kəşfiyyatının aksiyadan "xəbəri olmaya bilməzdi"  iddialar heç nə ilə əsaslandırılmayıb. Radikal təşkilatlar ciddi iyerarxiya və qapalılığ deməkdir. Hərçənd məlumat sızdırılması ehtimalını olsada, xeyli azdır.

 Böyük Britaniyada belə təşkilatların niyə mövcud olduğu və fəaliyyət göstərdiyi məsələsi isə tamamilə əsaslı sualdır.

"Mehdinin Qulları"nın keçmişdə İran səfirliyinə də hücum etdiyini nəzərə alaraq, bu məsələ bu gün xüsusilə aktualdır. Videokadrlardan göründüyü qədər, səfirliyi kifayət qədər nəzakətlə "boşaldan" polisin yumşaq reaksiyası da aydın deyil.

  Bir neçə il əvvəl Britaniya əks kəşfiyyatı ərəb dili bilən əməkdaşların işə qəbulunu elan etmişdi. Bu zaman açıq-aşkar bildirilirdi ki, buna bütün ölkəni bürüyən radikal dini qruplara nəzarət üçün ehtiyac var. Lakin görünür, kifayət qədər əməkdaş işə götürülməyib.

Radikal dini qruplara belə sərbəst və cəzasız şəkildə fəaliyyət göstərməyə imkan verən Britaniya qanunvericiliyi də sual dogurur. Müxtəlif illərdə Britaniyanın sıravi vətəndaşları arasında çoxsaylı ölümlərə səbəb olan bir sıra terror aktları nəzərə alsaq, bu, xüsusilə qəribədir. 02B