Azərbaycanın vətəndaş cəmiyyəti AŞPA-dan siyasi məhbuslar üzrə məruzəçinin təyin olunmasını xahiş edir
AŞPA Bürosunun iclası ərəfəsində Azərbaycan vətəndaş cəmiyyətinin 25-dən çox fəalı assambleya rəhbərliyinə müraciət edərək Azərbaycan üzrə qətnamə layihəsini dəstəkləməyə çağırıb.
Gözlənildiyi kimi, “Azərbaycanın Avropa Şurasında sədrliyi: insan hüquqlarına hörmət edilməsi baxımından hansı addımlar atılır” adlı sənədə AŞPA-nın Strasburq sessiyasından öncə iyunun 23-də Büronun iclasında baxılacaq. Sənəd irlandiyalı deputat Maykl Maknamaranın təşəbbüsü ilə hazırlanıb.
Müəlliflər sənədin aktual olduğunu qeyd edirlər və Azərbaycanda ifadə, toplaşma və birləşmə hüququnu reallaşdırmağa cəhd edən fəalların həbsilə bağlı narahatlığını bildirirlər.
6 aylıq sədrlik müddətində Azərbaycan Avropada və onun hüdudlarından kənarda insan hüquqlarının müdafiəşini təşviq etməlidir, lakin ölkənin özündə qanunsuz həbslər, işgəncələr həyata keçirilir, ədalətsiz məhkəmələr olur. Hazırda 29 hüquq müdafiəçisi, bloger, fəal siyasi motivlərlə həbsdədir. Onların 19-u Amnesty International tərəfindən “vicdan məhbusu” kimi tanınıb.
Siyasi məhbusların olması AŞ standartları ilə bir araya sığmır. AŞPA-nın 2013-cü il qış sessiyasında Azərbaycanda siyasi məhbuslar üzrə qətnamənin qəbul edilməməsi siyasi məhbusların sayının artmasına gətirib çıxarıb.
Azərbaycan AŞ Nazirlər Komitəsində sədrliyə başladıqdan iki gün sonra jurnalist Pərviz Həşimli 8 il müddətinə azadlıqdan məhrum edilib. Mayın 6-da Azərbaycan XİN rəhbəri Elmar Məmmədyarov Vyanada Azərbaycanın sədrliyinin prioritetlərini açıqlarkən NİDA hərəkatının 8 fəalı mühakimə olunub.
Müraciət müəllifləri AŞPA-nın Azərbaycanda siyasi məhbuslar üzrə yeni xüsusi məruzəçisinin təyin edilməsi və ona ölkədə vəziyyətin monitorinqi üzrə mandatın verilməsi ideyasına tərəfdar olduqlarını bildiriblər.
Müraciət müəllifləri Avropa Şurasını ifadə, toplaşma və birləşmə azadlığını həyata keçirməyə görə həbs olunan şəxslərin şərtsiz azadlığa buraxılmasını Azərbaycan hakimiyyətindən tələb etməyi xahiş edir.
Müraciət AŞPA prezidenti Ann Brasser, AŞ baş katibi Turbörn Yaqland, AŞ insan hüquqları komissarı Nils Muyjnieks, AŞPA baş katibi Günter Savitski, Hüquq məsələləri və insan hüquqları komitəsinin rəhbəri Ceyms Klappison, AŞPA məruzəçiləri Pedro Aqramunt və Cozef Qrex, AŞ ölkələri XİN rəhbərlərinə göndərilib.-06D-
Söz istəyirəm
-
Azərbaycan Respublikasının Prezidenti cənab İlham Əliyevə
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
Rəy yaz