Azərbaycanlı ziyalılar siyasi nifrəti və əsassız repressiyaları pisləyirlər

Azərbaycanda baş verən son hadisələrlə- şiddətli repressiya dalğası ilə bağlı bir qrup ölkə ziyalısı təşəbbüslə çıxış edir. Ziyalılar və ictimai fəallar repressiyaları ölkə üçün yolverilməz siyasi kampaniya hesab edərək bəyanat imzalayıblar. Bu bəyanat imzalamaq üçün açıqdır və imzalar yeniləndikcə, son variantlar təkrar- təkrar yayılacaq…

Biz aşağıda imza edənlər dövlətimiz və xalqımız üçün indiki taleyüklü dövrdə daxildə siyasi münasibətlərin təhlükəli həddə qədər korlanması, vətəndaş sülhünün böyük risk altına düşməsi həyəcanı ilə bu müraciəti qəbul edirik. Söhbət iyulun 12-dən Tovuz istiqamətində başlayan erməni silahlı qüvvələrinin növbəti təcavüzü və bundan sonra Bakıda baş verən hadisələrdən gedir.
Ermənistan silahlı qüvvələrinin başda general-mayor Polad Həşimov və polkovnik İlqar Mirzəyev olmaqla 12 hərbçimizi itirməyimizlə nəticələnən Tovuz hücumu bütövlükdə millətimizi qəzəbləndirib ayağa qaldırdı və bu, təbii ki, belə də olmalı idi. Millətimiz yüksək rütbəli zabitlərimizin, gizir və əsgərlərimizin şəhid edilməsinə üzüldüyü qədər, azğınlaşıb bütün hədləri keçən düşmənə də qəzəb və intiqam hissi ilə doldu. Xalqımız, ölkənin ictimai-siyasi təşkilatları hər hansı qarşılıqlı təşəbbüs gözləmədən, təbii bir axarla dərhal ortaya birlik mövqeyi qoydu, dövlətimizə və ordumuza tam dəstək nümayiş etdirdi. Açığı üzləşdiyimiz böyük itki qarşısında bu, yeganə təsəllimiz idi və xalqımızın, dövlətimizin gələcəyi baxımından çox da önəmli idi. Bu işdə ölkə müxalifətinin, xüsusən də bütün başqa vaxtlarda hakimiyyətə qarşı sərt tənqidçi mövqedə duran Azərbaycan Xalq Cəbhəsi Partiyasının rolunu ayrıca qeyd etməmək ədalətsizlik olar.

Azərbaycanda baş verən son hadisələrlə- şiddətli repressiya dalğası ilə bağlı bir qrup ölkə ziyalısı təşəbbüslə çıxış edir. Ziyalılar və ictimai fəallar repressiyaları ölkə üçün yolverilməz siyasi kampaniya hesab edərək bəyanat imzalayıblar. Bu bəyanat imzalamaq üçün açıqdır və imzalar yeniləndikcə, son variantlar təkrar- təkrar yayılacaq…

Biz aşağıda imza edənlər dövlətimiz və xalqımız üçün indiki taleyüklü dövrdə daxildə siyasi münasibətlərin təhlükəli həddə qədər korlanması, vətəndaş sülhünün böyük risk altına düşməsi həyəcanı ilə bu müraciəti qəbul edirik. Söhbət iyulun 12-dən Tovuz istiqamətində başlayan erməni silahlı qüvvələrinin növbəti təcavüzü və bundan sonra Bakıda baş verən hadisələrdən gedir.
Ermənistan silahlı qüvvələrinin başda general-mayor Polad Həşimov və polkovnik İlqar Mirzəyev olmaqla 12 hərbçimizi itirməyimizlə nəticələnən Tovuz hücumu bütövlükdə millətimizi qəzəbləndirib ayağa qaldırdı və bu, təbii ki, belə də olmalı idi. Millətimiz yüksək rütbəli zabitlərimizin, gizir və əsgərlərimizin şəhid edilməsinə üzüldüyü qədər, azğınlaşıb bütün hədləri keçən düşmənə də qəzəb və intiqam hissi ilə doldu. Xalqımız, ölkənin ictimai-siyasi təşkilatları hər hansı qarşılıqlı təşəbbüs gözləmədən, təbii bir axarla dərhal ortaya birlik mövqeyi qoydu, dövlətimizə və ordumuza tam dəstək nümayiş etdirdi. Açığı üzləşdiyimiz böyük itki qarşısında bu, yeganə təsəllimiz idi və xalqımızın, dövlətimizin gələcəyi baxımından çox da önəmli idi. Bu işdə ölkə müxalifətinin, xüsusən də bütün başqa vaxtlarda hakimiyyətə qarşı sərt tənqidçi mövqedə duran Azərbaycan Xalq Cəbhəsi Partiyasının rolunu ayrıca qeyd etməmək ədalətsizlik olar.

Xatırlatmaq istəyirik ki, yüksək rütbəli zabitlərimizin şəhid olduğu xəbərindən az sonra AXCP sədri Əli Kərimli feysbuk səhifəsindən paylaşdırdığı başsağlığında bu istiqamətdə hakimiyyətə çox vacib və pozitiv bir mesaj verdi: "Ermənistanın və arxasındakı dairələrin azğınlığı bütün hədləri aşmışdır. Ordumuzun düşmənə layiqli cavab verəcəyinə, torpaqlarımızı ləyaqətlə qoruyacağına əminəm. Ordumuza dəstəyimiz tamdır. Dualarımız əsgər və zabitlərimizlədir. Azərbaycan hökumətinin gözü arxada qalmasın. Düşməni yerində oturtmaq üçün dövlətin bütün resursları səfərbər edilməlidir. Hökumətlə olan fikir ayrılıqlarımızı, mübahisələrimizi daha yaxşı zamanlara saxlayırıq. Bütün gücümüzlə dövlətimizin və ordumuzun yanındayıq".

Hakimiyyətə qarşı barışmaz mövqeyi ilə fərqlənən və məhz bu mövqeyinə görə illərdir sərt basqılara məruz qalan bir partiya liderinin bu davranışı təqdir olunmalı və müsbət qarşılığını görməli idi. Əli Kərimli bu bəyanatı ilə yetkin, dövlətçilik təfəkkürünə malik bir siyasətçi olduğunu nümayiş etdirərək, özünə rəğbəti şübhəsiz ki, artırdı. Təsadüfi deyil ki, onun bu bəyanatı həmin gün sosial şəbəkələrin Azərbaycan seqmentində trendə çevrildi. Əli Kərimli hakimiyyətdən də oxşar münasibəti görməyə haqq edirdi, amma təəssüf ki, biz bunun əksinə şahidlik etməkdəyik.

Şəhid olan generalımızın və başqa hərbçilərimizin yanğısı ilə minlərlə insanın 14-15 iyul tarixində küçə və meydanlara axışması təəssüf ki, bötüvlükdə xalqımız üçün xoşagəlməz sonluqla bitdi. Millətimizin bu böyük vətənpərvərlik göstərisi hansısa müəmmalı dəstənin təxribatçı əməlləri - Milli Məclisin binasına daxil olmaq və 2 polis maşınının aşırılması nəticəsində kölgə altına düşdü. Təəssüf ki, hakimiyyət orqanları da bundan cəmiyyətə güc göstərmək və siyasi rəqibi əzmək üçün istifadəyə qərar verdi. 15 iyul gecəsi bir dəstənin MM binasına girməsindən sonra polis qüvvələri meydana toplaşmış minlərlə dinc insana aşırı zor tətbiq etdi və həbslərə başladı (yeri gəlmişkən, MM binasına daxil olmağı qətiyyətlə pisləməklə yanaşı, qeyd etməyi də lazım bilirik ki, hətta o halda da radikal dağıdıcı hərəkətlər baş verməyib, bina elə də ciddi zərər görməyib). Həbs edilənlərin bir qrupu da AXCP üzvləridir və onların içərisində həmin gecə ümumiyyətlə küçəyə çıxmayanları da var.
Təəssüflə qeyd edirik ki, ölkə başçısı İlham Əliyev iyulun 15-də Nazirlər Kabinetinin videokonfrans formatlı iclasında bu yürüş-mitinq barədə danışarkən nitqini AXCP-yə, onun rəhbərliyinə həqarətli hücum üzərində qurdu. Ölkə başçısı 15 iyul gecəsi törədilən Milli Məclis təxribatının məsuliyyətini dəlil-sübutsuz AXCP-nin üzərinə atdı və faktiki, hüquq-mühafizə orqanlarına bu partiyanı repressiyaya məruz qoymaq tapışırığı verdi. Bu günə qədər 30 nəfərdən artıq AXCP funksioneri və fəalı həbs olunub. Onlardan bəzilərinə, o cümlədən - Qarabağ qazisi, 5 illik siyasi məhbus həyatını yenicə başa vurmuş Asif Yusifli Cinayət Məcəlləsinin 3 maddəsilə təqsirli bilinərək ilkin istintaq dövrü üçün 3 ay müddətinə həbs ediliblər. Belə xəbərlər yayılmaqdadır ki, həbs edilən cəbhəçilərdən işgəncə və təzyiq yolu ilə partiya rəhbərliyi və şəxsən Əli Kərimli əleyhinə ifadə almaq istəyirlər və ya artıq alıblar.

AXCP rəhbərliyinin, o cümlədən sədr Əli Kərimlinin 14-15 iyul yürüş-mitinqinə münasibəti Azərbaycan ictimiyyəti üçün açıq olub. Xatırlasaq görərik ki, bu, dövlət maraqları baxımından tamamilə sağlam bir mövqedir. İnsanlar küçələrlə yürüş edəndə artıq Əli Kərimli feysbuk səhifəsindən belə bir növbəti mesajını paylaşdırmışdı: "Bakıda on minlərlə insan şəhərin mərkəzində - Azadlıq Meydanında, Şəhidlər Xiyabanına gedən yollarda "Qarabağ bizimdir, bizim olacaq", "Şəhidlər ölməz, vətən bölünməz" və bu kimi başqa vətənpərvər şüarlarla erməni işğalçılarına öz hiddətlərini ifadə edir, torpaqlarımıza işğalçı hücumları lənətləyir, vətənin müdafiəsi, Qarabağın azadlığı uğrunda döyüşməyə hazır olduqlarını bildirirlər. Olduqca qürurverici bir səhnədir. Yaxşı olar ki, bu etiraz aksiyaları sona qədər problemsiz davam etsin. Hakimiyyət xalqın bu vətənpərvərlik partlayışını özünə qarşı hesab etməməlidir. Əksinə, xalqımızın bu qədər vətənpərvər olması, coşqu ilə vətən üçün savaşmağa hazır olması düşmənə göz dağıdır. Bu, dövlətimizin gücünə güc qatır, ordumuza özünü daha arxalı hiss etməyə imkan verir. Hakimiyyət xalqın bu dəstəyini qiymətləndirərək, cəbhədəki real vəziyyəti dəyişmək istiqamətində təcili və qətiyyətli qərarlar verməlidir".
Bu yürüş mitinqə minlərlə azərbaycanlı kimi bir neçə nəfər AXCP üzvü də qatılıb. Onlardan bəzilərinin, o cümlədən Qarabağ qazisi, partiyanın Rəyasət Heyətinin üzvü Asif Yusiflinin olduğu yerdən etdiyi canlı yayımlar indi də qalır və sübut edir ki, bu insanlar hər hansı qanunsuzluğa, pis hərəkətə yol verməyib. Milli Məclis təxribatında AXCP üzvlərinin iştirakını təsdiqləyə biləcək heç bir görüntü, dəlil-sübut yoxdur və yeri gəlmişkən, vəkillərin açıqlamaları göstərir ki, Asif Yusifli və başqalarının barəsində həbs qərarının verildiyi məhkəmələrə də onların təqsirkar olduğunu göstərən hər hansı sübut təqdim edilməyib. Həbs edildikdən sonra haraya aparıldığı bəlli olmayan Fuad Qəhrəmanlı və bir çox başqaları isə ümumiyyətlə həmin hadisələrdə iştirak etməyiblər.

Belə olduğu halda ölkə başçısının sırf siyasi mülahizələrlə ittiham etdiyi müxalifət partiyasını repressiyaya məruz qoymaq dövlətimizin imicini zədələyir və hakimiyyətə neqativ münasibəti genişləndirir. Açığı dövlət başçısının qanuni fəaliyyət göstərən, dinc mübarizə metodlarından kənara çıxmayan bir siyasi təşkilatı "beşinci kolon", "ermənidən betər düşmən", "satqın", "tör-töküntü", "yaramaz ünsürlər" kimi epitetlərlə aşağılaması; “bunların dərsini vermişik, verəcəyik... onlara elə dərs veriləcək ki, bu, son dərs olacaq… biz “beşinci kolon”la bu işi bitirməliyik..." məzmunda hədə-qorxu ilə əslində hüquq-mühafizə orqanlarına repressiya siqnalı verməsi dövlət adına ayıbdır və dərin təəssüf doğurur. Çox yaxşı haldır ki, Xalq Cəbhəsi rəhbərliyi hətta belə bir münasibətin qarşılığında da dövlət maraqlarına zərbə vuracaq hərəkət və açıqlamalara yol vermir. Əks halda bu, Azərbaycan üçün fəlakət olardı. Bu baxımdan ölkə başçısının həmin çıxışından sonra AXCP sədrinin verdiyi açıqlamalarda təmkinli olması və etikadan kənara çıxmaması, mübahisəni qızışdıran yox, ümummili maraqlar məcrasına yönəldən ritorikaya üstünlük verməsi təqdir edilməlidir.
Hakimiyyətin AXCP-yə uzun illərdir aşırı sərt münasibət göstərdiyi Azərbaycan ictimaiyyətinə sirr deyil. Bu partiya illərdir ki, elementar fəaliyyət imkanlarından addım-addım məhrum edilib. Daim repressiyaya məruz qalıb, üzvləri həbs olunub və hazırda 11 üzvü siyasi məhbusdur. İllərdir ki, partiya qərargahsız qalıb, özünə kiçik bir ofis kirayələməsinə də imkan verilmir. Partiya sədri Əli Kərimli 15 ildir vətəndaşlıq pasportundan məhrum edilib, bu illər ərzində onu dəfələrlə müxtəlif cinayət işlərinə bağlamaq istəyiblər. Son 3 aydır ki, o, internet-kommunikasiya imkanlarından da məhrum edilib ki, mövcud karantin rejimi şəraitində bu, ev dustaqlığından da ağır durum deməkdir. Bütün bunların qarşılığında sivil siyasi fəaliyyət çərçivəsini aşmayan bir partiyaya qarşı bu qədər sərt və dözümsüz münasibət Azərbaycanın siyasi azadlıqlar baxımından indiki ağır şəraitində də həddindən artıqdır.

Biz hakimiyyəti AXCP-yə qarşı düşmən münasibəti dayandırmağa çağırırıq. Hər şey bir tərəfə, bu təşkilatın dövlət müstəqilliyimizin qazanılmasında, torpaqlarımızın qorunmasındakı tarixi rolu, çoxillik fəaliyyətində heç zaman dinc vasitələrdən kənara çıxmaması, bütün həlledici məqamlarda yalnız və yalnız milli maraqlardan çıxış etməsi unudulmamalıdır. Hakimiyyət nəzərə almalıdır ki, cəmiyyətin etirazçı kəsimini təmsil edən belə bir nizami təşkilatın mövcudluğu hamımızın xeyrinədir. Əks halda cəmiyyətdə narazı kəsim onsuz da həmişə olacaq və o, özünü ifadənin başqa formalarını da tapa bilər. Bu mənada hakimiyyət xalqımız və dövlətimiz qarşısında məsuliyyətini unutmamalı, ictimai-siyasi mühiti daha təhlükəli biçimə salmamalıdır.
Biz eyni zamanda dünyanın demokratik gəsisatlarına və beynəlxalq təşkilatlada səslənirik ki, mümkün təsir vasitələri ilə Azərbaycan iqtidarını sivil müxalifətə divan tutmaq siyasətindən imtinaya sövq etsin.

Çingiz Hüseynov, yazıçı
Leyla Əliyeva, Politoloq
Şahvələd Çobanoğlu, Jurnalist
Cəmil Həsənli, tarixçi alim
Şahin Hacıyev, Jurnalist
Yasəmən Qaraqoyunlu, alim
Gültəkin Hacıbəyli, Siyasətçi
Ramiz Yunus, politoloq ABŞ
Rüfət Səfərov, hüquq müdafiəçisi
Vidadi Mirkamal, Siyasətçi
Rövşən Hacıbəyli , Jurnalist
Xəyal Əzizov, Jurnalist
Əfqan Muxtarlı, Jurnalist (Almaniya)
Leyla Yunus, hüquq müdafiəçisi
Arif Yunus, politoloq
Rüfət Səfərov, Hüquq müdafiəçisi
Zəfər Əhmədov, hüquq müdafiəçisi
Aqil Xəlil, Jurnalist (Fransa)
Arif Məmmədov, Siyasətçi (Belçika)
Yalçın İmanov, Hüquqçu
Tural Ağayev, Hüquqçu
Vidadi Məmmədov, İctimai xadim (Estoniya)
Ələkbər Raufoğlu, Jurnalist(ABŞ)
Hikmət Hacızadə, Politoloq
Rəşid Hacılı, hüquqçu
Əlövsət Sadıqlı, hüquq müdafiəçisi
Eldar Abbasov, tarixçi alim
Araz Gündüz, ədəbi tərcüməçi
Zaur Əkbər, ictimai fəal
Yalçın Qəhrəmanoğlu, İctimai xadim
Kamil Vəli Nərimanoğlu, Professor
Sevinc Mirzəyeva, Jurnalist
Emin Hüseynov, Jurnalist
Çingiz Sultansoy, Jurnalist
Rafiq Manaflı, Siyasi xadim
Fikrət Hüseynli, Jurnalist
Daşqın Ağalarlı, İctimai xadim
İbrahim Vəliyev, Hüquq üzrə fəlsəfə doktoru
Mehman Əliyev, jurnalist

P.S. Bu müraciətə qoşulmaq istəyənlər öz fikirlərini şərh bölümündə ifadə etsələr, onların adları sənədi imzalayanların sırasına əlavə edilə bilər.

https://www.facebook.com/cemil.hasanli/posts/3140162732728438