Bir ay əvvəl çarəsizlik və ümidsizlikdən biz, bir qrup dəmiryolçu (19 nəfər), iflas mərhələsində olan Azərbaycan dəmir yolunu qoruyub saxlamaq və bərpa etmək xahişi ilə, kömək üçün Sizə müraciət etmişdik. Sizə müraciəti internet vasitəsi ilə (www.contact.az , 30.08 12. tarixli “Прошу слова” rubrikasının arxivi) etmişik, çünki Sizin administrasiya vasitəsi ilə Sizə dəmir yolunun real vəziyyəti barədə real məlumatı çatdırmaq bütün əvvəlki cəhdlərimiz uğursuz olmuşdur. Və bu cəhdin də uğurlu olacağına əmin olmayaraq, biz Mehriban xanıma da kömək üçün müraciət edib, onun şəxsi saytına elektron məktub göndərmişdik.
Təəssüf ki, Azərbaycan dəmir yolunun tam dağılmasının qarşısını almaq cəhdlərimiz bizə qarşı çevrilib. Bizim Sizə müraciətimizə, yolun rəhbərliyi çox özünəməxsus bir şəkildə reaksiya verib: heçnəyi dəyişmədən, müəssisəsinda olan korrupsiya ilə “mübarizəni” korrupsiyanın qurbanları ilə, yəni bizimiə, münasibətlərin aydınlaşdırılması ilə başlamaq qərarına gəlib. Əvvəlcə, maliyyə və mənzil problemlərimizin həll etməyinə söz verib, bizi “satın almaq” və müqabilində imtina ərizələr və gələcəkdə susmağımızı istədilər.
Biz bu insanları inandıra bilmədik ki, özümüz üçün xahiş etmirik, “dövlətimiz üçün üzgünik”. Sözlərindən dönməyənləri, qorxudub hədələməyə başladılar və müraciətimizə siyasi don geyindirərək, az qala vətən xayınlığında və Prezidentə qarşı çıxmağında suçladılar. Hər bir vasitəyə əl atmağa hazır olan bu insanlar, məqsədlərinə çatmaq üçün, hətta dövlət başçısının namuslu adına da qarayaxmalar vurmağa razıdırlar. Şəhadət barmağını mənalı-mənalı yuxarı qaldırıb, pıçıltı ilə soruşurlar: “Siz düşünürsünüz ki, Ona burada yazdığlarınız barədə Onun xəbəri yox idi? Siz düşünürsünüz ki, biz özbaşınayıq? Siz necə də sadəlövhsiniz. Bütün dəmiryol yük daşınmalarının 3/4 hissəsi havayı həyata keçirilir.
Bu, sizi əziyətsiz toz şəkilinə salmağa qadir olan, çox nüfuzlu oliqarxların yükləridir. Sizin təşəbbüsiniz əbəsdir və həyatınız üçün təhlükəlidir. Qəzəbləndirməyin Onu. Yazmağı dayandırın, yoxsa siz də zərər çəkərsiniz, yaxınlarınız da.” Həqiqətən də - “Oğru hələ qışqırdı ki, doğrunun bağrı yarıldı”. Axı bizim günahımız nədir? Biz nə cinayyət törətmişik ki, bizə belə hədə-qorxu gəlib, kədərli nəticələrlə xəbərdarlıq edirlər? Allah şahiddir Azərbaycan dəmir yolunu biz dağıdmamışıq. Dağıdan dağıdıb. Doğrudanmı bizim nüfuzlu oliqarxlarımız o qədər kasıbdır ki, yüklərinin daşınma haqqını ödəyə bilmirlər? Belə olan halda, yəqin ki onlar gəmi, təyyarə və avtonəqliyyat vasitəsi ilə də gətirilən yüklərinin daşınma haqqlarını vermirlər? Məqər vətəndaşların öz Prezidentinə kömək xahişi ilə müraciəti – cinayyətdir?
Biz – siyasətdən və müxalifətdən uzaq olan sadə fəhlə-dəmiryolçuyuq. İstədiyimiz də ancaq bir şeydir – Konstitusiyamızla və Əmək Məcəlləsi ilə zəmanət olunmuş normal əmək şəraiti və dəmiryolcuların ağır və məsuliyyətli əməyinə layiq olan, normal əmək haqqıdır.
Biz, yüksək inkişaf etmiş dəmiryol nəqliyyatı ilə, iqtisadi cəhətdən güclü Azərbaycanda yaşamaq istəyimizə görə ittiham olunuruq. İttiham olunuruq ki, Azərbaycan vətəndaşı olmağımızla fəxr etmək istəyirik; istəmirik ki, yaxın xaricdən gələn həmkarlarımızın bizə yazıqları gəlsin və onlar gözlərini bərəldib: “Budur mu sizin dəmir yolunuz?” sual versinlər. Yük daşınmalarının əsas hissəsi payına düşən və, əslində, dövlətin həyat fəaliyyətində qan-damar funksiyasını yerinə yetirən Azərbaycan dəmir yolunun belə dəhşətli vəziyyətə düşməsi kimə sərfəlidir? Bu, kimə lazımdır? Azərbaycan dövlətindən və onun vətəndaşlarından başqa, hər kimə gəldi. Belə olan halda, bizdən hansımız vətənpərvər, hansımız Vətən xayınıdır – biz, yoxsa Azərbaycanın nüfuzunu və iqtisadiyyatını sarsıdan və bizi susmağa məcbur etmək istəyən insanlar?
Müəssisə rəhbərlərinə təzyiq edərək, yolun rəhbərliyi aldatma, şantaj və hədə-qorxu yolu ilə bir neçə imtina ərizələri toplaya bilib, hansılarda müəlliflər bildirirlər ki, Sizə müraciəti imzalamağının əsas səbəbi – ancaq çox aşağı olan əmək haqqıdır. Hədə-qorxuya məhəl qoymayanlar isə cəza və işdən qovmaq məqsədi ilə xüsusi nəzarətə götürülüb. Artıq Sizə müraciəti imzalayan dəmiryolculara qarşı ayrı-seçkilik və vəzifələrin gərəzli endirilməsi barədə ilk faktlar var.
Cənab Prezident. Bizi hədələyirlər və biz nəinki iş yerimizi, həm də sağlamlığımızı, hətta həyatımızı real olaraq itirməyə risk edirik. Niyə bizim hüquq-mühafizə orqanlarmız indiyə qədər susurlar və fəaliyyətsiz qalırlar? Niyə, Azərbaycanın ziyanına, dəmiryol nəqliyyatını bağlanış həddinə çatdırmış insanlar, bu qədər özlərinə və cəzasızlıqlarına arxayındırlar? Niyə biz, Sizə kömək üçün müraciət edənlər, onların qabağında bu qədər aciz qalmışıq? Biz nə etməliyik? Nə edək ki, əqər hətta internet vasitəsi ilə də Sizə müraciət heç nəyi dəyişməyib? Bizə və Azərbaycan dəmir yoluna real köməyi üçün biz hara, kimə və necə hələ müraciət etməliyik? Bəlkə, biz yaşamaq üçün başqa ölkəyə köçək? Sizə ümid edirik və köməyinizi gözləyirik.
Əlbəttə ki, Azərbaycan dəmir yolunu bərbad vəziyyətə salan insanlar, bizə və yaxınlarımıza qarşı hədələrini çox asan və cəzasız həyata keçirə bilərlər – bunun üçün onların talan olunmuş pulları da, əlaqələri də, təsirləri də vardır. Belə olan halda, bu əməllər, respublikamıza bu qədər lazım olan dəmir yolunu bərpa etməyə kömək edəcəkmi?
Bismilləhirrahmənnirrahim
Mərhəmətli, Rəhmli Allahın adı ilə
1. De ki: “Pənah aparıram insanların Rəbbinə;
2. İnsanların ixtiyar sahibinə;
3. İnsanların tanrısına;
4. Vəsvəsə verən, (Allahın adı çəkiləndə isə qorxusundan)
qaçıb gizlənən Şeytanın şərindən –
5. O Şeytan ki, insanların ürəklərinə vəsvəsə salır,
6. (O Şeytan ki) cinlərdən də olur, insanlardan da.
{Qurani-kərim, 114-cü surə, ən-Nas (İnsanlar)}
Ədalətə inamını itirən hüquqsuz dəmiryolçular adından müraciəti imzalayıblar:
1. Əliosmanov Adil – Biləcəri Lokomotiv deposu, çilingər
2. Ramazanov Əlisəfa – Biləcəri Lokomotiv deposu, əvvəlki müraciətə görə maşinist köməkçisi vəzifəsinə endirilmiş maşinist
3. Məmmədov Hüseyn – Biləcəri Lokomotiv deposu, gözətçi
4. Babayev İlyas – Bakı Vaqon deposu, əvvəlki müraciətə görə vaqonsuz və işsiz qalmış bələdçi
Söz istəyirəm
-
Aleksandr Nevzorov Kadırovun adamlarının cinayəti haqqında
-
25 dekabr 2024-cü il tarixində bütün dünyanı sarsıdan faciə baş verib. "Azərbaycan Hava Yolları"nın "Bakı-Qroznı" marşrutu ilə reys həyata keçirən təyyarəsi Qazaxıstanın Aktau şəhəri yaxınlığında qəzaya uğrayıb. Embraer E190 təyyarəsində 67 nəfər olub, ekipaj üzvlərinin peşəkarlığı sayəsində onlardan 2-si uşaq olmaqla, 29 nəfər sağ qalıb.
-
Bakı - Qroznı təyyarəsinin "qəzayə" uğraması ilə bağlı buğun matəm elan edilib. 38 nəfər həyatını itirib. Ağır vəziyyətdə olanlar var, itkilərin sayı arta bilər. Böyük faciədir. Həyatını itirənlərin yaxınlarına baş sağlığı verir, xəsarət alanlara, yaralılara şəfa diləyirik.
-
Əziz Zərifə, bu gün evliliyimizin 30 illiyidir. Sən evimizdə, mən-həbsxanadayam. Vaxtında sənin “Dur! daha yazma!” tələbinə qulaq assaydım, indi yubileyimizi, əhd etdiyim kimi, ilk dəfə qohum-qardaş arasında təmtəraqla qeyd edirdik. Amma mən azad jurnalist kredoma xəyanət etmədim, təhlükəyə baxmayaraq, iti qələmimi yerə qoymadım. Odur ki, bir ildir isti ocağımdan, səndən, candan şirin övladlarımızdan ayrı düşmüşəm.
Rəy yaz