- Söz istəyirəm
- 9 Fevral 2022, 0:42
- 135
Fransa Azərbaycanın jestini yüksək qiymətləndirir
Fevralın 7-də Azərbaycanın səkkiz erməni əsgərini azad etməsi və onların Fransa hökumət təyyarəsi ilə İrəvana göndərilməsi hal-hazırda Avropada yaşadığımız gərgin təhlükəsizlik kontekstində yaxşı xəbərdir.
Məhz hər iki tərəfin bu cür xoşməramlı jesti ilə Azərbaycan və Ermənistan arasında sülhə doğru irəliləmək mümkün olacaq.
Bu azad edilmə Fransa Respublikasının Prezidenti Emmanuel Makron və Avropa İttifaqı Şurasının Prezidenti Şarl Mişelin dəstəyi ilə Prezident Əliyev və Baş nazir Paşinyanın başladıqları dialoq, diplomatiya və gərginliyin azaldılması səylərinin nəticəsidir. Bu, xüsusilə dörd liderin fevralın 4-də onlayn keçirilən görüşündən sonra baş verir.
Fransa Azərbaycanın bu jestini yüksək qiymətləndirir.
Bu azad edilmə yerinə düşür və zəruridir, belə ki, müharibədən “post-münaqişə”yə və “post-münaqişə”dən “sülh danışıqlarına” keçid sərhəddə gərginliyin azaldılması, sonuncunun delimitasiyası və demarkasiyası, Azərbaycan və Ermənistan arasında kommunikasiya xətlərinin açılması kimi sahələrdə güclü siyasi iradə və gərginliyi azaldan hərəkətlər tələb edəcək.
Sülh prosesinə keçid humanitar sahədə digər irəliləyişləri də cəlb edəcək. Onilliklərlə davam edən münaqişədən sonra əhali arasında inamı bərpa etmək və ailələrin ağrı-acısını yüngülləşdirmək, xüsusən də saxlananların öz yaxınlarına qovuşmasına imkan yaratmaq, itkin düşənlərin qalıqlarını müəyyən etmək, mina qurbanlarına yardım göstərmək və sahənin minalardan təmizlənməsini təmin etmək həqiqətən də lazımdır.
Məhz bu səbəbdən Fransa ötən il olduğu kimi 2022-ci ildə də Beynəlxalq Qırmızı Xaç Komitəsinin köməyi ilə itkin düşmüş şəxslərin müəyyən edilməsinə kömək etmək üçün tərəflərlə və xüsusilə Azərbaycanla işləməyə davam edəcək.
Məhz bu səbəbdən də Fransa minalardan təmizləmə və mina qurbanlarına yardım sahəsində ANAMA ilə əməkdaşlıq təklifi irəli sürüb.
Həmçinin, sülh layihəsindən yaranan və sərhədlərin idarə edilməsi və regional inkişaf məsələlərində böyük və əhəmiyyətli təcrübəyə malik olan Avropa İttifaqı da Azərbaycan və Ermənistanı müşayiət etməyə hazırdır.
Milliyyətçi ritorikadan və tarixi mübahisələrdən əl çəkməyin vaxtıdır. Azərbaycan və Ermənistan arasında sülh yoluna qətiyyətlə daxil olmaq üçün bütün xoşməramlı insanların, gənclər kimi yaşlıların da cəlb edilməsi zəruri olacaqdır.-0-
Söz istəyirəm
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
Rəy yaz