Hörmətli Elmar müəllim!
Məlumatınız olduğu kimi, 2014-cü il martın 31-dən başlayaraq “Kamil Vətəndaş” maarifləndirmə mərkəzi ictimai birliyinin sədri, fizika üzrə fəlsəfə doktoru Həsən Hüseynliyə qarşı 3 aydan çoxdur ki, istintaq başlanmış və cinayət işi araşdırılır. İyulun 4-də isə Gəncə şəhəri, Nizami rayon məhkəməsində keçirilən son məhkəmə iclasında dövlət ittihamçısı Həsən Hüseynliyə qarşı qaldırılan qondarma cinayət işinin maddələrində nəzərdə tutulan ən ağır cəzanı – 7 il həbs verilməsini istəmişdir.
H.Hüseynli 2014-cü il martın 31-də Gəncə şəhər sakini Arzu Qəhrəmanovu bıçaqla yaralamaqda təqsirləndirilərək, 48 saat Gəncə şəhər Baş Polis İdarəsində saxlanılmış, daha sonra müstəntiqin qərarı ilə polis nəzarətində olmaqla azadlığa buraxılmışdı. Biz ümid edirdik ki, bu ona qarşı böhtanın sona qoyulması yolunda kompromis bir addım idi. Halbuki, məhkəmə zamanı A.Qəhrəmanov heç bir sübutla çıxış edə bilməmiş, məhkəmə yalnız onun ifadəsinə əsaslanaraq qərarın qəbul olunmasına rəvac vermişdir. H.Hüseynlinin hüquqlarının müdafiə edən vəkilin məlumatına görə A.Qəhramanov bir neçə işdə yalançı şahidlik etməklə məşğul olmuşdur. Təbii ki, belə imicə malik olan şəxsin verdiyi ifadələr ədalət məhkəməsi üçün əsaslı sayıla bilməz və ondan irəli gələn bütün nəticələr şübhəlidir.
Hörmətli Elmar müəllim!
Hamıya bəllidir ki, Gəncə şəhərinin 2016-cı ildə Avropanın gənclər paytaxt seçilməsində şəhər sakinləri, avropada təhsil alan gənclərin rolu danılmazdır. Xüsusən bu işdə H.Hüseynlinin rəhbərlik etdiyi təşkilatın və şəxsən onun özünün əməyi daha böyük olmuşdur. Son 15 il ərzində Gəncə şəhərində maarifçilik tədbirlərinin həyata keçirilməsində, istər dövlət strukturları, istərsə də beynəlxalq və yerli qeyri hökumət təşkilatlarında onlarla savadlı gəncin iş tapıb çalışmasında və onların təhsilinin dünyanın bir çox tanınmış universitetlərində davam etdirməsində, Gəncədə kifayət qədər hörməti olan bir alim və ziyalı H.Hüseynli əvəzssiz xidmətlər göstərmişdir. Məhz belə bir ziyalının uydurma ittiham ilə həbs olunmasına imkan verilməsi və bu xoşagəlməz hadısənin Gəncə şəhərində baş verməsi dövlətimizin ziyalılara göstərdiyi qayğıya hörmətsizlik olar.
Əmin olmaq istəyirik ki, Gəncə şəhərinin İcra Hakimiyyətinin Başçısı olaraq bu şəhərin dəyərli bir ziyalısının əsassız ittihamlar ilə həbs olunmasına imkan verməyəcəksiniz və onun gələcək fəaliyyəti üçün normal şəraitin yaradılmasında yardımçı olacaqsınız.
Hörmətlə,
Novella Cəfərova - Dilarə Əliyeva adına Qadın Hüquqlarının Müdafiə Cəmiyyətinin sədri,
Səidə Qocamanlı - Azərbaycan İnsan Hüquqları və Qanunçuluğunun Müdafiəsi Bürosunun direktoru,
Səadət Bənanyarlı - Beynəlxalq İnsan Hüquqları Cəmiyyətinin Azərbaycan Milli Bölməsinin rəhbəri,
Əvəz Həsənov - Humanitar Tədqiqatlar Cəmiyyətinin direktoru
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz