2014-cü il mayın 15-də saat 17:12-də 10-dan çox polis işçisi, 5-6 mülki geyimli şəxs buldozerlə gələrək Novxanıda tikilən bağ evimi sökməyə başladılar. Onlardan sənədlərini təqdim etmələrini və evi hansı əsasla sökdüklərinə açıqlama vermələrini xahiş etdikdə, həmçinin bu barədə məhkəmənin qərarının olub-olmadığını sorduqda heç kim mənə cavab vermədi. Mən onlara bildirdim ki, evin memarlıq-texniki və layihə sənədləri var və martın 31-də onları Binəqədi Rayon İcra Hakimiyyətinə təqdim etmişəm. Mən evə gedib sənədləri gətirənə qədər buldozerlə evin bir hissəsini dağıtdılar. Bu, eyni zamanda həm də bağın hasarı idi.
Evin tikintisi ilə bağlı sənədlərə baxandan sonra dedilər ki, səhv olub və çıxıb getdilər.
Bu özbaşınalıq 10-dan çox polisin gözlərinin qarşısında baş verdi.
Suallar yaranır:
1) əgər mən, ədliyyə generalı, hüquq elmləri doktoru, professor Azərbaycanda öz elementar hüquqlarımı qoruya bilmirəmsə, hakimiyyət nümayəndələrinin dəhşətli özbaşınalğının qarşısını ala bilmirəmsə;
2) əgər polislər və İcra Hakimiyyətinin nümayəndələri bu cür həyasızcasına və ədəbsizcəsinə mənim bağ evimin ərazisinə soxulursa, konstitusiyanı pozursa və mənim mülkiyyətimə ziyan vurursa, o zaman sıravi vətəndaşlar nə etməlidir, özlərini məmur özbaşınalığından necə qorumalıdır?
3) mənə dəyən maddi zərəri kim ödəyəcək? Ən əsası hakimiyyət nümayəndələri tərəfindən belə vandalizm nəticəsində mənə vurulan mənəvi zərbəyə, təhqirlərə görə kim cavab verəcək?
DİN rəhbərinə Prezident Administrasiyasına müvafiq şikayət göndərilib.
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz