- Söz istəyirəm
- 13 Dekabr 2012, 12:25
- 60
İlham Əliyev İbrahimbəyovun ad günündə (VİDEO)
“O bizlərdən fərqli olaraq, baş verənləri daha yaxşı görür”
Sosial şəbəkələrdə dövlət başçısı İlham Əliyevin kinodramaturq, Ziyalılar Forumunun İdarə Heyətinin üzvü Rüstəm İbrahimbəyovun ad günündə sağlıq deməsi yayılıb.
Hakimiyyət nümayəndələrinin ən yüksək səviyyələrədək İbtahimbəyovu “topa tutub” düşmən elədiyi indiki vaxtda bu sağlıq xeyli maraq doğurur.
Çəkilişin konkret neçənci ilə aid olduğu bilinməsə də, İ.Əliyevin preziden kürsüsünə əyləşməsindən əvvələ təsadüf etdiyi hiss olunur.
Təbrik çıxışında İbrahimbəyovu Azərbaycanın fəxri adlandıran İ.Əliyev bildirir ki, bu insanın nail olduqlarını sözlə ifadə etmək mümkün deyil. Tədbirdə R.İbrahimbəyovun yaxınları, sənət adamları və dövlət başçısının xanımı Mehriban Əliyeva da iştirak edir. İ.Əliyevin R.İbrahimbəyov haqqında dediklərini diqqətinizə çatdırırıq: «Mən fikirlərimi sadə bir azərbaycanlı kimi ifadə edəcəm. Həmin sadə azərbaycanlı kimi ki, o, xalqının təmsilçisi Rüstəm İbrahimbəyovun belə yüksək nailiyyətlər əldə etməsinə görə fəxr edir. Bir qayda olaraq bir mülləifin əsərini oxuyanda, bəstəkarın bəstəsini dinləyəndə onu ya sevirsən, ya da sevmirsən. Bəzən elə olur ki, fəxr etdiyin insanı yaxından tanıdığın zaman təəssüflənirsən. Çünki filmdə gördüyün gözəl aktyoru və ya tanınmış yazıçını yaxından tanıyanda onda bəzi mənfi keyfiyyətləri, özündən müştəbehliyi görürsən. İndiki halda isə Rüstəm müəllimlə az saylı görüşlərimdə onun incəsənət sahəsində yüksək nailiyyətlərə imza atmış şəxs olduğunu unuduram. Mən onu bizim şəhərin küçələrində gəzən sadə insan kimi qəbul edirəm. Amma o bizlərdən fərqli olaraq, baş verənləri daha yaxşı görür. Məhz bu məqam onu bizdən fərqləndirir. Bu kiçik fərqin adı istedaddır. Mən hələ Rüstəm İbrahimbəyovu şəxsən tanımadığım zaman da onun bizim kimi azərbaycanlı olmağına görə fəxr edirdim. Onu şəxsən tanımaq şansı əldə edəndə isə çox şad oldum ki, ona qarşı olan hissələrim birəbeş artdı. Bu badəni bizim kimi olan, amma tanınmış insanın sağlığına içmək istəyirəm».
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz