Lapşin məsələsilə əlaqədar Azərbaycanla İsrailin münasibətləri pozulacaqmı? Hazırda bu, ən çox müzakirə edilən suallardan biridir. Eyni zamanda onun taleyinin necə olacağı da çoxlarını düşündürür.
Məntiqlə istintaq olmalı və məhkəmə hökm çıxarmalıdır.
Çox güman ki, istintaq öncə Lapşinin səfərlərini və Azərbaycan əleyhinə fəaliyyətini kimin maliyyələşdirdiyini və təşkil etdiyini aydınlaşdırmalı olacaq.
Elan olunan ittihamlara (sərhəddi qanunsuz keçmə, ərazi bütövlüyünə qarşı çağırışlar) görə blogeri bir neçə il həbs cəzası gözləyir.
Rəsmi Bakının bu məsələdə mövqeyini diplomatik uğur saymaq olar, çünki ölkənin suverenleyinə nümayişkaranə şəkildə mənfi münasibət göstərən şəxsin məsuliyyətə cəlb edilməsilə bağlı ilk haldır.
Əsas məsələ təkcə Lapşinin cəzalandırılması deyil, yaranmış vəziyyətdən çıxışdır. Belə ki, İsrail öz vətəndaşının taleyinə çətin ki laqeyd qalsın və onun verilməsinə təkid edəcək.
Bakı blogerə görə İsraillə münasibətlərin pisləşməsinə getməyəcək və vəziyyətdən yararlanmağa çalışacaq. Bir qədər ağlabatan ssenari belə görünür: istintaq, ittiham, məhkəmə, peşmanlıq, sonradan əfv və məhkumum İsrail hakimiyyətinə verilməsi.
Nə olursa olsun, bütün prosedurlar düzgün yerinə yetirilməlidir və oyun yenidən başlamamalıdır.
Bu məsələdə atılan ilk addım yumşaq desək, təəccüb doğurur. Lapşini qarşılamaq üçün Bakı aeroportuna avtomatla silahlanmış xüsusi təyinatlıları göndərmək nəyə lazım idi?
Blogerin avtomatlıların müşayiətilə çəkilən fotosunun bütün dünyaya yayılması uzun müddət İnternetdə qalacaq və bundan Azərbaycanda hüquq və azadlıqların pozulmasına nümunə kimi istifadə ediləcək.
Əlbəttə, bu, Qarabağa getmək və Azərbaycanı tənqid etmək istəyənlər üçün qabaqlayıcı amil olacaq. Ancaq Soso Pavliaşvili nümunəsi də var. O, Qarabağa gedərək onun müstəqilliyi barədə danışıb və açıq şəkildə erməniləri müdafiə edib. Ancaq buna baxmayaraq, bu yaxınlarda Sosonu Bakıda təmtəraqla qarşıladılar və o, Heydər Əliyev adına Sarayda konsert verdi. Onu Bakıya Emin Ağalarov dəvət etmişdi. Halbuki, ictimaiyyət təkidlə onun gəlməməsini tələb edirdi.
Söz istəyirəm
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Rəy yaz