Manuel terapiyası (Barrozunun səfərinə atmaca)

Avropa Komissiyası rəhbərinin Azərbaycana səfəri kommunist dövründə olduğu kimi təşkil edilmişdi: şəhərkənarı iqamətgahda təmtəraqlı qəbul, mətbuatsız brifinq, mərkəzdə və əsas magistrallarda nəqliyyatın hərəkətinin məhdudlaşdırılması və hətta qonağın "Yaşıl Teatr"ın yaxınlığındakı "Brejnev evində" qalması. Yalnız küçələrdə "Əziz yoldaş Manuel, günəşli Azərbaycana göstərdiyiniz qayğı üçün çox sağ olun!", "Brüsselli yoldaşların tapşırıqlarını yerinə yetirməyə və ondan da artığını etməyə söz veririk!" kimi şüarlar qaldıran zəhmətkeşlər əksik idi. Eyni zamanda, vətəndaş cəmiyyəti nümayəndələri, müxalifət liderləri və s. ilə heç bir görüş keçirilmədi. Niyə? Bax, məsələn, Belorus prezidenti Aleksandr Lukaşenko seçkiləri saxtaşadrırır, jurnalistləri öldürür, müxalifətçiləri və dissidentləri həbsə atdırır, buna görə o, Avropa İttifaqına buraxılmır və sanksiyalara məruz qalır. Düzdür, belə də olmalıdır. Bəs niyə bizimkilərlə vəziyyət başqa cürdür? Bizim nəyimiz pisdir? Guya biz bunu bacarmırıq? Yox, sadəcə burada Avropanın çox ehtiyac duyduğu neft və qaz var. Buna görə bizimkilər özlərini rahat hiss edirlər və nə istəyirlər, onu da edirlər. Manuel Barrozunun səfəri isə onlara biraz da güc verəcək. Avropa Komissiyası rəhbəri telekanallara müsahibəsində nahaq yerə "Azərbaycanda sabitliyin qorunub saxlanılması zərurətini anlayırıq" deyə çoxmənalı ifadə işlətməyib. Odur ki, bizi yoldaş Lukaşenkonun, Çavesin və zəhmətkeşlərin hüquqları uğrunda mübarizənin digər qəhrəmanlarının taleyi gözləmir. Yenə də bizim dövlət KİV-ləri düə deyir: bu qərb ölkələrinin ikili standartları mövcuddur! Onlar başqalarının nöqsanlarını görmək istəmirlər, sadəcə kiçik problemləri üzümüzə vururlar. Baxonların neft və qazla təminatını dayandırsaq, onda bilərdilər bizimlə zarafat etməyin sonu necə olur! Amma ki, çox xoruzlanmaq lazım deyil, birdən Avropa da amerikalılar kimi şist qazı tapar? Ondanə etməli? Qazı kimə satag - ermənilərə, çünki başqa alan olmayacaq. Manuel əmi , Manuel əmi, sən demə təkcə şəhəri və prezidenti bəyənməyib, həm də Bakıda hava xoş və istidir, o, özünü lap Avropadakı kimi hiss edirdi. Demokratiyanın pozulması və ya korrupsiya və ya seçklərin saxtalaşdırılması barədə isə bir kəlmə belə demədi... İlham Əliyevlə qeyri-rəsmi şəraitdə ünsiyyət buna deyərlər. Etiraf etmək lazımdır, o, qonaq qəbul etməyi bacarır!

Zwilling