- Söz istəyirəm
- 25 Avqust 2017, 9:42
- 52
Mehman Əliyevin həbsi ilə bağlı Milli Şuranın bəyanatı
Bu gün saxta ittihamla Milli Şuranın Koordinasia Mərkəzinin üzvü, "Turan" İnformasiya agentliyinin direktoru, ölkənin tanınmış ziyalısı Mehman Əliyev həbs edilib. Bu həbs ölkənin müstəqil fəaliyyət göstərən ən uzun ömürlü agentliyinə, dünya informasiya məkanın böyük etibar qazanmış bir media qurumuna, azad sözə və fəaliyyətə qarşı yönəlmiş repressiya siyasətidir. "Turan" agentliyi öz doğru, dürüst, operativ fəaliyyəti ilə milli informasiya siyasətini formalaşdıran bir media orqanıdır. "Turan" agentliyi yalnız Azərbaycan dilində deyil, ingilis və rus dillərində də məlumatlar və təhlillər yaydığı üçün ölkə haqqında ən obyektiv, ən etibarlı informasiya mənbəyi funksiyasını yerinə yetirir və bütün dünya media qurumları onunla hesablaşır.
"Turan"ı vergi yoxlaması adı ilə susdururlar və Mehman Əliyev də vergidən yayınma və səlahiyyət həddini aşma ittihamı ilə saxlanılıb. Təəssüflər olsun 2014-cü ildən başlayaraq cəmiyyətin və azad medianın susdurulmasında vergi orqanlarından bir vasitə kimi istifadə edilir və bu orqan iqtisadi qurumdan daha çox güc strukturu kimi fəaliyyət göstərir. Mehman Əliyev bu ölkənin ölkənin ən təmiz və namuslu vətəndaşından biridir. O, hakimiyyətin mediaya yardımları bazarından uzaqda dayanmış, ev bölgüsündə iştirak etməmiş, rəhbərlik etdiyi agentliyi və özünü hər hansı formada hakimiyyətdən asılı vəziyyətə salmamaışdır. Hələ həbsindən əvvəl o, hakimiyyət orqanlarından aldığı "ya bizimlə işləməlisiniz ya da "Turan"ı sıradan çıxaracağıq" mesajı açıqca cəmiyyətə çatdırmışdı.
Mehman Əliyev yüksək peşəkarlığı və vətəndaşlıq mövqeyi olan bir mətbuat işçisidir. O, siyasi məhbusların müdafiəsi, vətəndaş cəmiyyətinin məhv edilməsi, qanunsuz həbslərə qarşı öz səsini ucaldan və rəhbərlik etdiyi media qurumunda daim bu xətti aparan peşəkar bir jurnalistdir. Milli Şura bəyan edir ki, Mehman Əliyevin həbsi hakimiyyətin repressiya, azad fikri boğmaq, azad sözü çökdürmək siyasətinin daha ağır mərhələyə daxil olmasının aydın göstəricisidir və bu həbs müasir Azərbaycan tarixinin ən ləkəli bir hadisəsi kimi yadda qalacaqdır. Mehman Əliyev heç bir əsas olmadan saxta ittihamla həbs edilib və onun kimi peşəkar, mədəni, səviyyəli, vicdanlı, dürüst, barışçı bir insanı həbsi bütövlükdə Azərbaycan cəmiyyətinə ağır bir zərbədir. Milli Şura hakimiyyəti bu qanunsuz əməldən çəkinməyə çağırır.
Söz istəyirəm
-
Əhalinin çox olduğu paytaxt Bakıda taksi sənayesi həm şəhərin nəqliyyat şəbəkəsinin mühüm hissəsidir, həm də mühüm məşğulluq mənbəyidir. İnformasiya Texnologiyaları və Nəqliyyat Nazirliyinin məlumatına görə, hazırda şəhərdə 28 000 taksi sürücüsü çalışır.
-
ABŞ federal tədqiqatçıları Demokrat konqresmen Henri Kuelların Azərbaycanın idarə etdiyi neft şirkəti və Meksikadakı bankdan $600,000 dollar həcmində rüşvət alması ittihamı ilə bağlı işdə artıq üç nəfər təqsirini etiraf etdiyini bildirir.
-
Mayın 3-də ABŞ-ın Bakıdakı səfiri Mark Libbinin böyük müsahibəsi çox səs-küy yaratdı və siyasi müzakirələrə səbəb oldu. Eyni zamanda, Amerika diplomatiyası, eləcə də səfirlik personalının işilə bağlı bir sıra vacib amili ortaya qoydu.
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
Rəy yaz