Mülkiyyət hüququnun qorunması üçün SDİ-nin məlumatlarını izləyən vətəndaşların nəzərinə

Leyla və Arif Yunusovların Rabitə və İnformasiya Texnologiyaları Nazirliyinin Yasamal rabitə şöbəsinə qarşı qaldırdığı iddia məhkəmə qabağı sakit şəkildə ilə həll olundu. Nadir hadisədir - iddiaçının haqlı olduğu etiraf olunur və onun qanuni tələbləri təmin olunur.

Iki telefon nömrəsinin qaytarılması üçün Rabitə və İnformasiya Texnologiyaları Nazirliyinin Yasamal rabitə şöbəsinə qarşı qaldırılmış iddia üzrə məhkəmə 22 fevral 2011-ci il tarixə təyin olunmuşdur. Artıq 17 fevral tarixində hər iki telefon nömrəsi bərpa olundu. 21 fevral tarixdə isə 2010-cu il ərzində normadan artıq alınmış maliyyə vəsaiti geri qaytarıldı. Yasamal rabitə şöbəsinin rəisi Fətulla Seyidov və bu idarənin əməkdaşı Vaqif Orujov məhkəməyədək qanunsuzluğu aradan qaldırıblar.

Təəssüf hissi ilə bildiririk ki, bu hüququn bərpa olunması Bakı şəhər İcra hakimiyyəti tərəfindən törədilən və davam edən böyük miqyaslı qanunsuzluqların yanında çox kiçik görünür. SDİ-nin 4 saylı Məlumatında bildirilirdi ki, H.Abutalıbovun imzaladığı 511 nömrəli sərancamına əsasən fiziki şəxs Kazımov Rufan Habil oğluna səlahiyyət verilir ki, Bakı şəhər İcra hakimiyyətinın ayırdığı maliyyə vəsaiti (!!!) hesabına mənzilləri alsın. Hazırda SDİ-də Füzuli və Şəmsi Bədəlbəyli küçələrində yaşamış onlarla vətəndaşın R.Kazımovla daşınmaz əmlakın alqı-satqısı barədə bağladıqları müqavilələrin surətləri var.

İcra hakimiyyəti orqanları yalnız Kazımovun hesabına pul köçürmür, ona polisin köməyi ilə vətəndaşların öz mənzillərindən məcburi köçürülməsində, sakinlərin əşyalarının oğurlanmasına və digər qanunsuz, cinayət əməllərinin törədilməsində tam yardım edir. H.Abutalıbov başda olmaqla Bakı şəhər İcra hakimiyyətinın əməllərində Azərbaycan Respublikası Cinayət Məcəlləsinin aşağıdakı maddələrinin tərkibi var: maddə 107 - Əhalini deportasiya etmə və ya məcburi köçürmə (on ildən on beş ilədək müddətə azadlıqdan məhrum etmə ilə cəzalandırılır), maddə 157.3 - Mənzil toxunulmazlığını pozma (üç ilədək müddətə azadlıqdan məhrum etmə ilə cəzalandırılır), maddə 186.2 - Əmlakı qəsdən məhv etmə və ya zədələmə (üç ildən yeddi ilədək müddətə azadlıqdan məhrum etmə ilə cəzalandırılır), maddə 309.2 - Vəzifə səlahiyyətlərini aşma (üç ildən yeddi ilədək müddətə azadlıqdan məhrum etmə ilə cəzalandırılır), 322.2 - Özbaşınalıq (iki ilədək müddətə azadlıqdan məhrum etmə ilə cəzalandırılır)

Nəsimi rayon polis şöbəsinin əməkdaşlarının (Nəsimi rayon polis idarəsinin rəisi Məmməd Mikayılovdur) hərəkətlərində Azərbaycan Respublikası Cinayət Məcəlləsinin aşağıdakı maddələrinin tərkibi var: maddə 145.2.5 - Qanunsuz azadlıqdan məhrum etmə (üç ildən beş ilədək müddətə azadlıqdan məhrum etmə ilə cəzalandırılır), maddə 145.3 - beş ildən on ilədək müddətə azadlıqdan məhrum etmə ilə cəzalandırılır, maddə 157.3 - Mənzil toxunulmazlığını pozma (üç ilədək müddətə azadlıqdan məhrum etmə ilə cəzalandırılır) və s.

İcra hakimiyyətinın və polis əməkdaşlarının çoxsaylı cinayət əməllərindən biri (foto və video materiallar var) 19 noyabr 2010-cu ildə səhər Füzuli küçəsi 58 saylı evdəki (memarlıq abidəsi idi) mənzillərin qırılması və mənzillərdən çıxarılmış sakinlərinin qanunsuz olaraq Nəsimi rayon polis idarəsinin 22 saylı polis məntəqəsinə aparılması və orda saxlanılması olmuşdur. Şəkər xəstəsi olan bir sakin komaya düşmüş və sakinlərin tələbi ilə o azad olnuraq insulin vasitəsilə onun həyatını xilsa etmişlər. Sakinlərin deportasiya edilməsi nasistlər və SS qoşunları tərəfindən həyata keçirilmiş yəhidi qırğınlarını xatırladırdı.

İcra hakimiyyətinın və polis əməkdaşları vətəndaşların əmlakını və mənzillərini məhv etməklə onları R. Kazımovla mənzillərin satılması barədə müqavilə imzalamağa məcbur etmişlər. 27 yanvar 2011-ci ildə 0233758 saylı müqaviləyə əsasən cənab Kazımov vətəndaş N.A. Xaliqovaya məxsus Füzuli küçəsi 58 saylı evin 51-ci mənzilini 42.750 manata almışdır. Vətəndaş Xaliqova və başqalarının Nəsimi rayon məhkəməsinə müraciət etmələrinə baxmayaraq burada da insan hüquqları və qanunvericiliyin kobud şəkildə pozulmasının qarşısı alınmamışdır. Faktiki olaraq vətəndaşların ədalətli məhkəmə araşdırması tələbinə məhəl qoymayan Nəsimi rayon məhkəməsinin hakimləri barədə SDİ-nin xüsusi təhqiqatı olacaqdır. Çoxlu sayda insanlar mənzil və pul verilmədən küçələri atılmışlar.

Hər gün paytaxtın mərkəzində qanunsuzluq və insan hüquqlarının görünməmiş şəkildə pozulması davam etməkdədir. Bakı şəhər İcra hakimiyyətinın (H.Abutalıbov) və Nəsimi rayon polis idarəsinin (rəis, polkovnik Məmməd Mikayılov) qanunsuzluqlar siyahısına Azərbaycan
Respublikasının Əmək Məsələləri Dövlət Komitəsi də qoşulub. Yusif Qəmbərov (Azərbaycan
Respublikasının Əmək Məsələləri Dövlət Komitəsinin idarə rəisi) 2011-ci ilin fevral ayında Məlumat № 4-də adı qeyd olunmuş Bakı şəhər İcra hakimiyyəti katibliyinin rəhbəri Zülfalı İsmayılovla birlikdə Şəmsi Bədəlbəyli və Mirzağa Əliyev küçələrindəbirbaşa qanuna zidd hərəkətlərini davam etdirirlər.

Vətəndaşlardan xahiş edirik ki, Məlumat № 5-də verilmiş tövsiyyələrə dəqiq əməl etsinlər və SDİ-nin elektron adresine (ipd1995@gmail.com) Yusif Qəmbərov və Zülfalı İsmayılovun şəkillərini də göndərsinlər!!!

Polis əməkdaşlarının vətəndaşların hüquqlarının kobud şəkildə pozmasına Daxili İşlər Naziri canab Ramil Usubov tərəfindən məhəl qoyulmur. Belə bir fikir yaranır ki, ilkin orta əsrlərdə olmuş qanun "mənim vassalımın vassalı mənim vassalım deyil" DİN strukturlarında qüvvədədir, yalniz Naxçıvan MR-nin polis orqanları deyil, Bakı şəhərinin də rayon polis idarələri cənab Ramil Usubova tabe olmur.

SDİ-nin Nəsimi rayon polis idarəsinin rəisi Məmməd Mikayılovun qanunsuz hərəkətləri barədəcənab nazir R.Usubova göndərdiyi məktuba 8 fevral 2011-ci il tarixli, İctimai Təhlükəsizlik Baş İdarəsinin rəis müavini Əli İbrahimovun imzaladığı 121711 saylı məktubla verilən cavabda bildirilir ki, bizim müraciətimiz baxılmaq üçün ... Məmməd Mikayılova göndərilib!

Leyla Yunus - Sülh və Demokratiya İnstitutunun direktoru