- Söz istəyirəm
- 22 Avqust 2011, 13:53
- 166
Nərimanov rayonundan Prezidentə şikayət
Atatürk prospekti 33-də yaşayan sakinlər Nərimanov rayon İcra Hakimiyyətini qanunsuzluqda və korrupsionerlikdə ittiham etdilər
Ölkə səviyyəsində qanunsuzluqlara və korrupsiyaya qarşı mübarizənin kütləvi xarakter alması vətəndaşların təqdirini qazanıb. Dünənə qədər "onsuz da xeyri yoxdur" deyə, yüksək instansiyalara şikayət etməyə həvəssiz yanaşan vətəndaşlar artıq dövlətin içini gəmirən "qurdlar"la hesablaşmaq istəyirlər. Dəfələrlə haqsızlığa uğrayan, bu barədə rayon rəhbərliyini məlumatlandıqları halda, hər dəfə qanunsuzluqla üzləşən Atatürk prospekti 33 ünvanında yaşayan sakinlər də nəhayət problemlərinin həll olmasını istəyirlər.
Azərbaycan Respublikasının Prezidenti İlham Əliyevə, Heydər Əliyev Fondunun Prezidenti, Birinci Xanım Mehriban Əliyevaya, Korrupsiyaya Qarşı Mübarizə Komissiyasının sədri Ramiz Mehdiyevə və KİV-ə ünvanlanan müraciətdə Nərimanov rayonu ərazisində yaşanan qanunsuzluqlara, vətəndaşların hüquqlarının pozulmasına həsr olunub.
Müraciətdə deyilir ki, "Yaşadığımız Atatürk prospekti 33 ünvanının həyətində uşaqlarımızın əyləndiyi, ağaclarla örtülü kiçik Uşaq Baxçası mövcuddur. Burada 40-a yaxın meyvə ağacı mövcuddur. Uşaqlarımızın oynamağa, qocaların istirahət etməyə yeganə yeri buradır. Burada öz hesabımıza istirahət üçün normal şərait yaratmışıq. 35 saylı Mənzil İstismar Sahəsinin əməkdaşları isə gəlib bizə deyir ki, buranı Nərimanov rayon İcra Hakimiyyətinin başçısı Abdin Fərzəliyev satıb. Əslində isə həmin ərazinin MİS-ə aidiyyəti yoxdur.
Çünki, bizim bina kooperativ binadır, bu həyət də həmin binanın balansındadır. Ancaq dekabr ayının 29-da "Hacı" adlı bir şəxs gələrək, qanunsuz olaraq, bu ərazini hasarladıb və uşaq baxçasını dağıdıb, indi də ağacları kəsdirmək istəyir. Sakinlər əraziyə hasar çəkmək istəyən fəhlələrə mane olmağa çalışsa da, işçilər həmin sahəni dəmir dirəklərlə hasarlayıblar və "Hacı"nın adamları sakinlərə qarşı zorakılıq göstəriblər.
Ərazi sahə müvəkkilinin də gözü qarşısında zəbt edilib. Ötən il həyətimizin bir hissəsi qanunsuz olaraq zəbt edildi və orada İran klinikası inşa edildi. Biz o zaman da Nərimanov rayon İcra Hakimiyyətinin başçısı Abdin Fərzəliyevə müraciət etdik, ancaq müraciətimizə hər hansı cavab almadıq. Bu gün isə həyətimizin qalan hissəsi də əlimizdən qanunsuz şəkildə alınır. Bu dəfə də Nərimanov rayonunun rəhbərliyi bu qanunsuzluğu "görmür". Müraciətlərimizə baxılmır. Necə olur ki, hər hansısa sakin eyvanını rəngləyəndə belə bundan xəbər tutan icra hakimiyyəti bu boyda narazılığı və rəzaləti, ən başlıcası Ulu Öndərimiz Heydər Əliyevin "qollarım" dediyi 15-20 illik ağacların kəsilməsindən xəbərsiz olur.
Sizi birmənalı olaraq dəstəkəyən Atatürk pr.33 ünvanında yaşayan vətəndaşlarınızın "Hacı" titulu arxasında gizlənərək, Ulu Öndərimiz Heydər Əliyevin "qollarım" dediyi neçə illik meyvə ağaclarını kəsməsinə imkan verilməməsində yardımınıza ehtiyacımız var. Korrupsiya girdabına çevrilmiş Nərimanov rayon İcra Hakimiyyətinin qanunsuzluqları qarşısında bizi müdafiə edin".
-
- Bazarların icmalı
- 24 Avqust 2011 08:13
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz