Bu gün səhəri Qadir bəyin vəfatı xəbəri ilə açdım. Çox ağır, üzücü və sarsıntılı xəbər oldu. Azərbaycan xalqı mövqeyi olan bir vətəndaşı, döyüş yolu keçmiş bir qazını itirdi, ölkə mətbuatı qələmin müqəddəs vəzifəsini millətə xidmətdə görən peşəkar bir jurnalisti itirdi, cəmiyyətimiz çox doğru-dürüst bir ziyalını itirdi. Hələ uzun müddət yeri görünəcək Qadir bəyin.
“Azadlıq” qəzetindən tanıyırdım onu. İqtisadçı ekspert kimi həmişə yazılarını, təhlillərini maraqlı oxuyurdum. İqtisadi məsələlərlə bağlı nəyisə dəqiqləşdirmək istəyəndə güman yerimiz idi Qadir İbrahimli. Müstəqillik dövründə cəmiyyətin iqtisadi maarifçiliyinə, sosial-iqtisadi düşüncənin təkamülünə çox böyük ehtiyac var idi. Bu ehtiyacı Qadir bəy fədakarlıqla, yorulmadan, böyük həvəslə ödəməyə çalışırdı.
Zarafatından, maraqlı deyimlərindən qalmırdı, şən, gümrah səsi, maraqlı söhbətləri vardı. Adam onun nəinki 54 yaşında, hətta nə vaxtsa bu dünyadan köçəcəyinə inanmırdı. İki gün əvvəl xəstəxanaya düşəndə də bu tezlikdə həyatla vidalaşacağını düşünmək ağlasığmaz idi. Qadir bəy çoxlarına örnək ola biləcək şərəfli bir ömür yolu keçib. Ailəsinə, yaxınlarına, dostlarına, qələm əhlinə, bütövlükdə xalqımıza ağır itki oldu. Xatirəsinə dərin sayğılarla.
Söz istəyirəm
-
Azərbaycanda iqtidaryönümlü mətbuatın özünəməxsus və lazımınca qiymətləndirilməyən keyfiyyətləri var.
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
Rəy yaz