Rejimin mübarizləri

Müxalifət əbəs yerə hakimiyyəti privitimizmə görə danlayır. Əslində onlar daim inkişaf edir. Onların rejim müdafiəçiləri siyahısında həmişə yeni şəxslər peyda olur. Bir zamanlar hakimiyyət hüquq müdafiəçilərinin ofislərinə basqınlarda və bu ofislər önündə mitinqlər keçirməkdə qadınlardan, habelə bəzi müxalifət fəallarından istifadə edirdi.

Hakimiyyət bu məsələdə dəqiq qonşu Gürcüstanın təcrübəsini nəzərə alıb. 

Bu Qamsaxurdiyanın rəqiblərinə qarşı “qara corablı qadınlar eskadronundan” istifadə etməsini xatıarladır.  Amma sonradan rejimin qorunması uğrunda mübarizlər heyəti və metod arsenalı daha kəskin, deyərdim ki, ziyalı oldu.

Əzgin üzlərində polis önündə qorxudan belə əməllər törətməyə məbur olan, sonradan bu əməllər görə səssizcə üzr istəyən bədbəxt satıcılardan ibarət hamının tanıdığı qadınlar keçmişdə qaldı. Hakimiyyət başa düşdü ki, bu mübarizlər həm etibarsızdır, həm də o qədər də abırlı görünmür. Və həmin vaxt döyüşə kişilər daxil oldu.

Əvvəlcə parlamentdə (bircə Əhəd Əbiyev nəyə desən dəyər) və TV ekranlarında (burada, şübhəsiz ki, hakimiyyətin prezidentliyə əbədi namizədi Hafiz Hacıyev birinci yerdədir) söyüş söyən primitiv kişilər idi.

Sonradan isə jurnalistlər, təbii ki, hakimiyətin anlayışı baxımından, necə deyərlər, ziyalılar döyüşə atıldı. Nəticədə eyni şəxslər hakimiyyətin vəd etdiyi mənzillər arxasınca qaçaraq, KİV səhifələrində peyda olmağa, müxalifəti və rejimə qarşı olan hər kəsi pinəçi kimi söyməyə başladı. Digərləri isə mətbuat konfranslarına gəlir və orada qalmaqal yaradırlar. Bu yaxınlarda seçkilərin yekunlarına həsr olunmuş mətbuat konfransında “fərqlənən” bu “jurnalistlərə” baxın.

İndi hamı onların kim olmaları üzərində baş sındırır. Amma əvvəlki konfransları, ən azından keçən ilin mayında "Sing For Democracy" ilə bağlı qalmaqalı (http://www.radioazadlyg.org/flashembed.aspx?t=vid&id=24590061&w=640&h=429&skin=embeded) xatırlasaq, eyni simaları görərik. Sabah başqa mətbuat konfranslarında da onları görəcəyik.