Sadələşdirilmiş korrupsiyalı tikinti - 7

Bakı/26.05.17/Turan: Mayın 25-də rəsmi KİV-də Azərbaycan prezidentinin mayın 16-da imzaladığı Azərbaycan Respublikası Şəhərsalma və Tikinti Məcəlləsinə (DSK) düzəlişlər  haqqında qanun dərc olunub. Soncu dəfə düzəlişlər 2016-ci il oktyabrın 14-də edilmişdi.

Dəyişikliklər obyektlərin icazə və məlumatlandırma icraatı üzrə tikintisi prosedurunun təkmilləşdirilməsini nəzərdə tutur.

О cümlədən icazə icraatı üzrə ərizəçinin sənədləri ilə tanış olmaq üçün icra orqanına 5 gün əvəzinə 3 gün ayrılır.

75.4-cü maddə tamamlanıb. O, ekspertiza tələb etməyən layihələr (görünür, söhbət məlumatlandırma sistemi layihələrindən gedir) üzrə rəy bildirmək üçün icra hakimiyyəti tərəfindən müvafiq orqanlara (indiyə qədər Bakıda rəyi paytaxtın icra hakimiyyəti verirdi) 5 gün ayrılmasını nəzərdə tutur. Yeni qaydalarda ekspertiza tələb etməyən layihələrin nə demək olduğu göstərilməyib. Əvvəllər "ekspertiza" sözü burada işlədilmirdi.

Maddə 3.0.41 bunu belə təfsir edilir: tikinti layihələrinin ekspertizası - tikinti layihələrinin şəhərsalma və tikintiyə dair normativ sənədlərin tələblərinə uyğunluğunun yoxlanılması;

Yeni 75.4-1-ci maddə daxil edilib. O, dolaşıqdır. Bu maddədə deyilir ki, müvafiq orqanların rəyləri nəzərə alınmaqla, icra hakimiyyəti ekspertiza tələb etməyən obyektin tikintisinə 15 iş günü ərzində icazə verir və ya vermir. Bu, cəfəngiyatdır. Əvvəla, bu maddə məlumatlandırma icraatının 80-ci maddəsinə ziddir, çünki sonuncu 80.1-ci maddədə müəyyən edilmiş müvafiq parametrləri olan obyektlərin tikintisinə icazə nəzərdə tutmur. Maddə 80.2 qəti olaraq bildirir ki, məlumatlandırma icraatı obyektlərinin inşası üçün icazə alınması tələb olunmur. İkincisi, əgər ekspertiza tələb olunmursa, "müvafiq orqanların rəyi" sözləri nə deməkdir?

Maddə 75.6 bir ay ərzində müvafiq orqanların rəyi nəzərə alınmaqla, icazə sistemi obyektlərinin tikintisi üzrə cavab verilməsini tələb edir. 90,2-ci maddədə göstərilmiş xüsusi hallar istisna olmaqla.

Obyektin tikintisi və istismarına icazənin verilməsi qaydalarının müvafiq icra hakimiyyəti tərəfindən müəyyən edilməsini nəzərdə tutan 75.11-ci maddə əlavə olunub. Bu maddə, əməli olaraq, 75.4-1-ci maddə ilə bağlıdır. Bu yenilik tikinti xüsusunda icazə və məlumatlandırma prosedurunun sadələşdirilməsi ruhuna ziddir, çünki icra hakimiyyətinə özünə sərf edən tərzdə qayda müəyyən və qəbul etmək hüququ verir ki, bu da sui-istifadə üçün zəmin yaradır.

Maddə 80.1 məlumatlandırma sistemi üzrə qərarların qəbul edilməsinin sadələşdirilməsi və asanlaşdırılması istiqamətində təkmilləşdirilib. Bu yolla hündürlük, mərtəbələr və daşıyıcı konstruksiyaların parametrləri dəqiq müəyyənləşdirilib. Bununla bağlı 2016-cü ildə daxil edilmi. 80.1-1-ci maddə ləğv olunub.

80.4-cü maddədən icra hakimiyyəti tərəfindən məlumatlandırma tikintisi üzrə cavab verilməsi müddəti - tikinti planı olduqda 10 gün, plan olmadıqda 1 ay - götürülüb. Bu, indi cavabın 15 gün ərzində verilməsini nəzərdə tutan yeni 75.4-1 maddəsınin daxil edilməsi ilə bağlıdır.

Beləliklə, icra hakimiyyətinin məlumatlandırma tikintisi üzrə cavabının müddəti 10 gündən 15 günə qaldırılır. Yyuxarıda deyildiyi kimi, bu onunla bağlıdır ki, Bakı Şəhər İcra Hakimiyyəti, Fövqəladə Hallar Nazirliyi və s. bu kimi digər müvafiq orqanlara ekspertiza üçün 5 gün ayrılır. Bu isə korrupsiya üçün daha bir əl yeridir.

Агентство Туран на протяжении 2,5 лет ведет борьбу за упрощение уведомительного строительства. Некоторые предложения были учтены, но теперь вновь выхолащиваются. Например, предлагалось все вопросы, касающиеся уведомительного строительства сосредоточить в статье 80. Что и делалось. А теперь:

Turan Agentliyi 2,5 ildir ki, məlumatlandırma tikintisinin sadələşdirilməsi uğrunda mübarizə aparır. Bəzi təkliflərimiz nəzərə alınıb, amma indi onlar yenidən məzmunsuzlaşdırılır. Məsələn, təklif olunurdu ki, məlumatlandırma tikintisinə aid bütün məsələlər 80-ci maddədə сəmləşdirilsin və bu edilirdi. Fəqət indi isə:

• Bina tikənə cavab üçün möhlət oradan çıxarılaraq sözün məlumatlandırma tikintisi barəsində getdiyi 75-ci maddəyə keçrilib. Beləliklə, yenidən hərc-mərclik yaradılır.
• İcra hakimiyyətinə yenidən məlumatlandırma sistemi üzrə tikintiyə icazə vermək və ya verməmək hüququ verilib.
• İcra hakimiyyətinin cavab verməli olduğu müddət 10 gündən 15 günədək qaldırılıb.
• Şəhərsalma və Tikinti Məcəlləsinin məlumatlandırma icraatına aid hissəsi anlaşılmaz, qeyri-dəqiq olub və sui-istifadə üçün misli görünməmiş şərait yaradır.
• İcra hakimiyyətinin sui-istifadə imkanlarını məhdudlaşdıran əvvəlki düzəlişlər heçə endirilib.

Daxil edilmiş yeniliklər nəticəsində məlumatlandırma icraatı sahəsində korrupsiyanın qarşısıalınmaz artımını gözləmək lazımdır. Prinsipcə, əslinə qalsa, Abşeronda son fərdi tikinti nümunələrinin göstərdiyi kimi, korrupsiya heç dayandırılmamışdı da.

Əvvəlki məqalə: http://www.contact.az/ext/news/2017/4/free/Want%20to%20Say/az/61544.htm