TƏBIB-in köməyinə ümid
- Söz istəyirəm
- 21 Noyabr 2023, 14:47
- 3606
TƏBIB-in köməyinə ümid
Vətəndaş cəmiyyəti fəalı, hüquq müdafiəçisi Fuad Həsənov TƏBİB-in (Tibbi Ərazi Bölmələrini İdarəetmə Birliyi) icraçı direktoru Vüqar Qurbanova müraciət edərək atası, birinci Qarabağ Müharibəsi veteranı, cərrah Sarxan Həsənovun müalicəsinə yardım göstərilməsini xahiş edib.
Yaşlı kişi komaya düşüb və reanimasiyada ağır vəziyyətdədir.
Müraciətdə göstərilir ki, noyabrın 3-də Sərxan Həsənovun halı qəfil pisləşib və o yıxılıb. İki gün ərzində ona "təcili yardım" gəlsə də, həkimlər "insult əlamətlərinin olmaması" bəhanəsilə xəstəxanaya yerləşdirməkdən imtina ediblər və ağrıkəsicilərlə kifayətləniblər.
Üçüncü çağırışdan sonra 6 saylı xəstəxanaya aparılıb. Qısa müddətdən sonra Həsənov "sepsis" diaqnozu ilə komaya düşüb.
Bu infeksion- iltihablı vəziyyət həyati təhlükəlidir, lakin şəhər xəstəxanasında tibbi müdaxilə məhdud olub, buna görə xəstə özəl Baku Medical Plaza klinikasına aparılıb.
Baku Medical Plaza-da dializdən sonra Həsənovun böyrəklərinin funksiyası bərpa olunub. Lakin o, uzunmüddətli müalicə almalı və əməliyyat olunmalıdır.
Noyabrın 9-dan bu günə qədər hüquq müdafiəçisinin ailəsi özəl klinikada müalicəyə 20 min manat ödəyib. Ancaq ailə müalicə xərclərinin hamısını ödəyə bilmir.
O, TƏBİB rəhbərliyindən atasının Yeni Klinika-nın reanimasiya şöbəsinə köçürülməsinə köməklik göstərilməsini xahiş edir.
" Həyatını xəstələrin şəfa tapmasına həsr edən həkimin hazırda özünün şəfaya ehtiyacı var”, - Həsənov qeyd edib.
Fuad Həsənov uzun illərdir ictimai və hüquq-müdafiə fəaliyyətilə məşğul olur, vətəndaş cəmiyyətinin bir çox layihələrində iştirak edib, hasilat sənayesində maliyyə şəffaflığının tərəfdarı olan Publish What You Pay beynəlxalq xeyriyyə təşkilatının qlobal şurasının üzvüdür.06B
-
- İqtisadiyyat
- 21 Noyabr 2023 14:30
-
- İqtisadiyyat
- 21 Noyabr 2023 15:19
Söz istəyirəm
-
Bir sıra ağır xroniki xəstəliklərdən əziyyət çəkən qardaşım Cahangir Hacıyev səkkiz il yarımdır ki, həbsdədir. Səkkiz ildir ki, biz Penitensiar Xidmətin ona minimal tibbi yardım göstərilməsini və həkim nəzarətini təmin etməsinə nail olmağa çalışırıq. Bu illər ərzində o, dəfələrlə ürəkağrısı, təzyiq, hipertonik böhranlar, hormonal, immunitet sistemlərinin kəskinləməsi və mədəaltı vəzi tutmalarına məruz qalıb. Hətta bir dəfə təcili yardım çağırıblar. Dəfələrlə müraciətlərimizə baxmayaraq, onu mərkəzi tibb müəssisəsinə və koloniyanın özündəki sanitariya hissəsinə köçürməkdən imtina edirlər.
-
Türkiyənin unikal radio kolleksiyası olan mədəniyyət ocağından reportaj Mersin şəhərinin Tarsus qəsəbəsinin qədim mədəniyyətinə yeni tarix qatan məkandayıq. Eyuboğlu malikanəsindəyik. Bura həm də bir sərgi salonudur. Məkanın sahibləri və işlədənləri Eyubxan bəy və Pərvin xanım Eyuboğlular cütlüyüdür.
-
Azərbaycan Dövlət Kütləvi İnformasiya vasitələri və “yalançının kor şahidi” qismində çıxış edən yandaş media erməni əsirliyində olan adamlara verilən ağır işgəncələr haqqında tez-tez heyrətləndiricü söhbətlər, əsirin şəxsiyyətinin və ləyaqətinin alçaldılması haqqında süjetlər, söhbətlər, müsahibələr verirlər.
-
Belə getsə London Yüksək Məhkəməsi böyük uyğur mütəfəkkiri Mahmud Kaşğarinin və onun təkrarsız dil abidəsi olan "Divanü Lüğat-it-Türk" əsəri üzərinə də həbs qoyacaq. Dünən oxudum ki, Mahmud Kaşqari adına Beynəlxalq Fondun təsisçiləri xalq yazıçısı Anar və Elxan Zal Qaraxanlı Fondun yeni rəhbəri kimi Milli Məclisin deputatı Cavanşir Feyziyevin namizədliyini irəli sürüblər. Cavanşir Feyziyev Mahmud Kaşqari adına Beynəlxalq Fondun yeni prezidenti oldu.
Rəy yaz