Ziyalılar Forumu Azərbaycan Ordusunda çoxsaylı əsgər ölümlərinə etiraz məqsədilə bir qrup ictimai fəal gəncin təşəbbüsü ilə gerçəkləşdirilən və minlərlə gəncimizin vətəndaş mövqeyi sərgilədiyi 12 yanvar aksiyasını yüksək dəyərləndirir və gənclərimizə tam dəstəyini ifadə edir.
Aksiya zamanı öz konstitusiya hüquqlarını həyata keçirən insanlara qarşı tətbiq edilən polis zorakılığı Azərbaycan hakimiyyətinin Sərbəst Toplaşmaq Azadlığı kimi fundamental insan azadlığına və Azərbaycan Konstitusiyasına nümayişkarcasına hörmətsizliyinin növbəti əyanı sübutuna çevrildi. Qanunsuz olaraq saxlanılan bir qrup gəncə aksiyada bir saatlıq iştirak müqabilində kəsilən 500-600 manatlıq cərimələr isə şəhid ailəsini bir ayda 150 manatlıq yaşayışa layiq bilən iqtidarımızın "humanist və insanpərvər" mahiyətinin göstəricisidir.
Biz əsgər ölümlərinə etiraz tədbirlərinin ictimai önəmini nəzərə alaraq bu cərimələrin ödənilməsini də geniş vətəndaş aksiyasına çevirməyə və fəal vətəndaş mövqeyi olan hər kəsi bu təşəbbüsə qoşulmağa çağırırıq.
Ziyalılar Forumu Azərbaycan gənclərinin mütəşəkkil etiraz aksiyasından bir gün sonra Müsavat partiyasının başqanı və prezidentliyə namizədi İsa Qəmbərə qarşı həyata keçirilən sui-qəsdi qətiyyətlə pisləyir və bu hərəkəti Azərbaycan hakimiyyətinin səviyyəsizliyi kimi dəyərləndirir. XXI əsrin yüksək texnologiyaları ilə silahlanmış gəncliyin oyanışına qarşı daş, yumurta və pomidorla çıxanlara bundan daha uyğun ad tapmaq çətindir.
Son olaraq, hələ də dünyada, bölgəmizdə və ölkəmizdə nələrin baş verdiyini anlamayan, "bizi dindirən əsrə" dinməyən və belə primitiv addımların arxasında gizlənməyin mümkünlüyünü düşünənlərə səslənmək istəyirik: "Atılan toplar"ın səsini eşitmirsinizmi?!
Söz istəyirəm
-
Dünən “Yeni Azərbaycan” qəzeti və hökumətə bağlı 5-6 sayt Milli Şuranın adından rus padşahı Vladimir Putunə bir saxta məktub dərc edib. Bu məktub əhvalatı mənim yadıma Kiyevdə knyaz Svyatopolk İzyaslaviçin ölümündən sonra boyar dumasının 1113-cü ildə Putinin ulu babası II Vladimir Monomaxa yazdığı məktubu saldı. Onlar yazırdılar ki, knyaz təcili olaraq Kiyevə gəl, sən gəlməsən çox böyük təlatümlər olacaq, şəhər talan ediləcək, boyarlara və monastırlara hücum olacaq.
-
22 yanvar Ukrayna üçün mühüm bir tarixdir – biz bu gün Ukraynanın Birləşmə Gününü qeyd edirik. Məhz 1919-cu ilin bu günü Kiyevdəki Sofiya meydanında Ukrayna Xalq Respublikası (UXR) ilə Qərbi Ukrayna Xalq Respublikasının (QUXR) birləşməsi haqqında Akt elan edildi. Bu, tarixi bir an idi ki, o zaman ukraynalıların vahid və bölünməz Ukrayna arzusu gerçəkliyə çevrildi.
-
20 yanvar ərəfəsində arxivləri yerbəyer edərkən rəhmətlik həmkarım Fərhad Kərimovun mənə verdiyi fotoşəkillər qovluğuna rast gəldim.
-
Yanvarın 7-də prezident İlham Əliyevin yerli telekanallarla mətbuat konfransında Real TV-nin nümayəndəsi belə bir sual verdi: "Trampı bizimlə bir gəmidə görürsünüz..."
Rəy yaz