Piar-kampaniya vasitəsilə pulların yuyulması ?

Vaşinqtonda ən nüfuzlu qüvvələrin dəstəyini qazanmaq üçün on milyonlarla vəsait ödəmək ideyası yeni deyil. Konqresin keçmiş üzvlərinin elit qrupu, hakimiyyətdən olan diplomatiya veteranları və brokerlər Yaxın Şərq ölkələrinə öz yardımlarını təklif edirlər ki, onların səsləri eşidilsin. Bütün bunlar azərbaycanlı liderləri də cəlb edir.

Bununla belə, son vaxtlar vəziyyət bir qədər dəyişib və lobbiçilərlə uzun illər əməkdaşlıqdan sonra azərbaycanlı liderlər daha ehtiyatlı olmağa başlayıblar və öz reputasiyaları barədə daha çox düşünürlər. Odur ki, tez-tez peşəkar lobbiçilər tutmağa üstünlük verirlər.

Bundan əlavə, neft resurslarından istifadə etməklə “lobbiçilik” yolu hazırlanıb – oliqarxların övladlarının Vaşinqton da daxil olmaqla, dünya paytaxtlarına göndərmək ki, orada çoxlu “ailə dostları” tapsınlar. 

Bu yaxınlarda Azərbaycanın nəqliyyat nazirinin oğlu Anar Məmmədovun rəhbərliyi ilə Amerika-Azərbaycan alyansı yaradılıb. Noyabrın 14-də Vaşinqtonda 300-dən çox qonağın iştirakı ilə şam yeməyi təşkil olunacaq. İştirakçılar əsasən keçmiş və fəaliyyətdə olan məmurlar, Azərbaycan hökumətinə loyal olan şəxslərdir.

Vaşinqtonda Bakıdan olan dostlarla gecə keçirmək Azərbaycan mədəniyyətinin qeyd olunmasıdır – tədbirin press-relizində deyilir.

Eyn zamanda təşkilatçılar bir neçə müstəqil analitik və blogeri tədbirə dəvət etməkdən imtina ediblər.

“Bu cür PR kampaniyaların milli maraqlara zidd olması və bir ailəyə xidmət etməsi çox pisdir”, - keçmiş lobbiçilərdən biri Turan-ın Vaşinqton müxbiri ilə söhbətindən bildirib.

Bakının peşəkar lobbiçilərdən imtina etməsinin səbəbləri ilə bağlı sualın cavabında sözügedən mənbə deyib ki, Vaşinqtonda lobbiçilər qarışıq reputasiyaya malikdir. “Bəzən onlar sosial müştərilərin adlarından çıxış edirlər və onların maraqları çox vaxt ictimai maraqlara zidd olur”, - mənbə qeyd edib.

Eyni zamanda “ərəb baharı” lobbiçilər üçün “qara sınaq”oldu. Belə ki, onların bəzisi demokratik  etirazlar fonunda proqressiv qüvvələri dəstəklədi, eyni zamanda başqaları sadəcə əvvəlki müştərilərini “satdılar”.  

Azad ictimai təşkilatının sədri Elmar Şahtaxtinski hesab edir ki, azərbaycanlı oliqarxların “mədəni missiya”, “lobbiləşdirmə” adı altında milyonlarla vəsait xərcləyərək öz övladlarını ABŞ-a göndərməsinin üç səbəbi var.

Birincisi, bu, öz liderlərinə sadiqliyin, öz diktatorlarının barəsində yaxşı imicin formalaşması ideyasına necə xidmət etdiklərinin nümayişidir. 

İkincisi, bu tədbirlərin köməyilə onlar öz təhlükəsizlik gələcəklərini təmin edirlər və əgər diktatura devrilərsə, harada yaşaya və işləyə biləcəkləri yerlərdə dostlar axtarıb tapırlar. 

Üçüncüsü, daxili ictimaiyyətə göstərirlər ki, azərbaycanlı vətəndaşlardan mənimsədikləri vəsait “faydalı işə” - Azərbaycanın, Qarabağın və s. təbliğinə sərf olunur. Bu da bir növ piar-kampaniya vasitəsilə pulların yuyulmasıdır. Əslində bu pullar bir ailənin reklamına sərf olunur, qalanı mifdir, Şahtaxtinski hesab edir.

“Bu pullara Vaşinqtonda ala biləcəkləri yeğanə şey ikinci dərəcəli ekspertlərin yaxşı məqalələridir. İstənilən müstəqil siyasətçi və alim çirkli pullardan uzaq durur”, E.Şahtaxtnski vurğulayıb.-25B-