Rüstəm İbrahimbəyov: �Mənimlə savaşırlar, çünki azad vətəndaş cəmiyyətinə tərəfdaram�

Kinorejissor və ssenarist, Ümumrusiya Dövlət Kinematoqrafiya İnstitutunun (ÜDKİ) müəllimi, Oskar mükafatçısı Rüstəm İbrahimbəyov "Nastoyaşee vremya" kanalına geniş videomüsahibə verərək "Qafqaz üçlüyü" filmi ilə bağlı ona qarşı təbliğat kampaniyasının təşkilatçısına və iştirakçılarına cavab verib.

R.İbrahimbəyov bildirib ki, üç il əvvəl çəkilmiş "Qafqaz üçlüyü" filminin ssenarisi Azərbaycan ailəsinin real əhvalatı əsasında yazılıb. Ailədə ögey ata həyat yoldaşının birinci ərindən, ermənidən olan oğlunu böyüdür. Oğlan aktyor olduqdan sonra Moskvaya köçür. Orada atası onu tapır və onun soyadını dəyişərək doğma, erməni soyadını qəbul etməsinə təkid edir. Aktyor soyadını dəyişmək üçün Bakıya dönməli olur. Onu böyüdən ailəsi baş verənləri xəyanətkarlıq kimi qəbul edir. Real əhvalat ətrafında bədii film çəkilib və üç il Azərbaycanda bu, heç kimi maraqlandırmayıb.

Teleproqramın aparıcısı Azərbaycanda bu filmə qarşı təbliğatı 37-ci illərdə SSRİ-də baş verənlərlə müqayisə edib.

R.İbrahimbəyov Azərbaycan prezidentinin köməkçisi Əli Həsənovu kampaniyanın təşkilatçısı adlandırıb. O, filmi görmədən başqalarından da ssenaristi ittiham etməyi tələb edib.

Çıxış edənlərdən biri "qorxaq" kinoşünaş Salayev "R.İbrahimbəyovun yoldaşı olub, R.İbrahimbəyov ona köməklik edib", irəliyəyiş və post arzulayan ikinci tənqidçi isə ÜDKİ-yə "R.İbrahimbəyovun köməkliyi ilə daxil olub. "Mənimlə mübarizə neçə ildir ki, davam edir, çünki mən Azərbaycan hakimiyyətini tənqid edirəm, deyirəm ki, istənilən dövlətin normal yaşaması üçün vətəndaş cəmiyyəti olmalıdır", -R.İbrahimbəyov açıqlama verib. O, Ziyalılar Forumunu yaradıb, ancaq hakimiyyətin təzyiqləri altında forum fəaliyyətini dayandırıb.

Kinossenarist öz mövqeyini bir daha açıqlayıb. Qarabağı Azərbaycanın ərazisi hesab edən R.İbrahimbəyov Qarabağ ətrafında münaqişənin qızışdırılmasına görə Ermənistan rəhbərliyini və millətçi dairələri pisləyib. Ancaq baş verənlər bütün erməniləri ittiham etmək üçün əsas ola bilməz. Bundan əlavə, öz ölkələrinin hüdudlarından kənarda azərbaycanlılar və ermənilər bir -birləri ilə yola gedirlər. R.İbrahimbəyov hesab edir ki, iki xalqın yenə də dost şəraitində yaşayacağı gələcək barədə düşünmək, qana susamış azərbaycanlı obrazını yaratmamaq lazımdır.

R.İbrahimbəyov Azərbaycanda keçirilən prezident seçkilərində prezidentliyə namizəd kimi iştirakına aydınlıq gətirib. O, müxalifət liderlərini bir yerə toplayıb ki, onlar birlikdə Milli bloka daxil olsunlar. Bu, mümkün olub. Cavabında müxalifət liderləri R.İbrahimbəyovun prezidentliyə namizəd olaraq çıxış etməsini şərt kimi qoyublar. O, siyasətçilər dağılmasın deyə razılaşıb. Və namizədliyi irəli sürmək üçün Rusiya vətəndaşlığından çıxması barədə ərizə verib. Ancaq Rusiya orqanları bildiriblər ki, prosedur çox uzun çəkəcək. R.İbrahimbəyov güman edir ki, RF vətəndaşlığından imtina prosedurunun yubadılması Bakının xahişinin nəticəsidir. Ona görə də İbrahimbəyov öz yerinə Cəmil Həsənlinin namizədliyini təklif edib və dərhal müxalifətçilərin bir hissəsi Milli Şuradan çıxıb. O, Cəmil Həsənlinin prezident seçkilərində iştirakını yüksək dəyərləndirib.

Prezident İlham Əliyevin ailəsi ilə münasibətləri barədə sualın cavabında Heydər Əliyevin bir məlum filmə görə Rüstəm və Maqsud İbrahimbəyovlara qarşı kampaniya təşkil edənlərə uymadığını yada salıb. H.Əliyev onları yanına çağırıb və kampaniyanı dayandırdığını bildirib. Illər sonra R.İbrahimbəyov Moskva klinikasında H.Əliyevə baş çəkib. O zaman Bakıda Azərbaycan MK keçmiş birinci katibinə qarşı kampaniya başlamışdı. Lakin İlham Əliyev Rüstəmə qarşı kampaniyanı pisləmir.

"Hakimiyyətdən çox şey asılıdır. Əgər o, öz enerjisini və gücünü münaqişələrin köməyilə alırsa, bəzən də buna özü təşəbbüs göstərirsə, bu, başqa bir məsələdir. Digər məsələ isə odur ki, əgər hakimiyyət kifayət qədər güclüdürsə və özünə əmindirsə ölkədə vətəndaş barışını saxlamağa çalışır və ölkəni məharətlə idarə edir. Heydər Əliyev görkəmli siyasətçi idi.. Mən H.Əliyevə hakimiyyətə qayıtması xahişilə yazılan məktubu imzalayanlardan biriyəm.. İlham Əliyev gələndə də sevinmişdim, çünki siyasətdə yox, biznesdə böyük təcrübəsi olan siyasətçi gəlmişdi.. 2007-08-ci illərə qədər münasibətlərimiz normal olub. Ancaq mətbuat "İzvestisya" qəzetində ermənilərlə və hüquqlarla bağlı vəziyyət barədə fikirlərim ətrafında qalmaqal yaratdıqdan sonra münasibətlər korlandı", - R.İbrahimbəyov bildirib.

Rejissor hesab edir ki, ona qarşı başlanan kampaniya öz yararsız fəaliyyəti ilə simulyasiya edən məmurlara lazımdır.

Rəsmi Bakının dramaturqla mübarizəsinin digər versiyası isə hakimiyyətin Milli Şura ilə mübarizəyə başlamaq niyyətidir.

R.İbrahimbəyov Ermənistanda Nikol Paşinyanın qansız hakimiyyətə gəlməsindən heyranlığını ifadə edib. O, Azərbaycanda gənc rejissorların dövlətin köməyilə deyil, onun iradəsinə "zidd olaraq" çəkdikləri filmlərin keyfiyyətindən razı qaldığını bildirib.