Bakı/21.07.23/Turan: Gəncə polisi torpaq sahəsi üzrə tender zamanı Qarabağ müharibəsi veteranları tərəfindən döyülən iş adamı Orxan İsmayılovun cinayət işinin istintaqını uzatdığına görə tənqid olunur. Hücum martın 16-da tender komissiyasının üzvləri və yerli icra hakimiyyəti nümayəndələrinin iştirakı ilə baş verib. İsmayılovun müxtəlif orqanlara, o cümlədən daxili işlər naziri Vilayət Eyvazova şikayət və müraciətləri də təqsirkarların cəzalandırılması ilə nəticələnməyib.
İsmayılov iddia edir ki, müharibə veteranları müsabiqəni öz məkrli niyyətlərinə görə ictimaiyyətə qapalı keçirmək istəyən yerli hakimiyyət orqanlarının göstərişi ilə hərəkət ediblər. O, Gəncədəki “Finest Tobacco MMC” şirkətinin baş direktorudur və bu yaxınlarda tütün məmulatlarına aksiz markalarının verilməsi ilə bağlı Maliyyə Nazirliyinə qarşı məhkəmə prosesində qalib gəlib.
İstintaq prosesi elə əvvəldən əngəllərlə üzləşib. Belə ki, Gəncə 1-ci Polis İdarəsi İsmayılovun bədənində zorakılıq əlamətlərinin olmadığını deyərək qanuna əməl etməkdən imtina edib. Bununla belə, hadisənin çoxlu şahidləri olub. İsmayılov polisin əməlindən prokurorluğa şikayət etdikdən sonra iş Gəncə şəhər Baş Polis İdarəsinin 3-cü bölməsinə verilib. Buna baxmayaraq, cinayət işi başlanmayıb, müstəntiq Heydər Heydərov vaxt azlığını əsas gətirib.
İsmayılovun inadkarlığı nəticə verib. Gəncə prokurorluğu polisin işə xitam verilməsi barədə qərarının ləğvi ilə bağlı məktub göndərib. Lakin bu, müqəssirlərin müəyyənləşdirilməsini sürətləndirməyib. İsmayılov daxili işlər naziri ilə görüşəndə Gəncə polisi hərəkətə keçərək müstəntiq H.Heydərovu işdən çıxarıb.
Hətta nazir V.Eyvazovun araşdırma aparmaq tapşırığı ilə polis baş leytenantı Mütəllim Fərmanov işə cəlb olunsa da, müqəssirlər məsuliyyətə cəlb edilməyib.
"Turan" baş leytenant M.Fərmanovla əlaqə saxlayıb və o, bir müddət əvvəl İsmayılovdan ifadə aldığını və lazımi istintaq hərəkətlərini apardığını təsdiqləyib. O, istintaqın gedişi barədə İsmayılovu məlumatlandıracağına əmin edib.
Cəmiyyət
-
Mobil operator “Əlilliyi olan gənclərin sosial-iqtisadi fəallığına dəstək” proqramı çərçivəsində fiziki məhdudiyyətli şəxslər üçün xüsusi təlimlər təşkil edib Azercell DOST Agentliyi, UNICEF Azərbaycan və Dövlət Məşğulluq Agentliyinin birgə icra etdiyi “Əlilliyi olan gənclərin sosial-iqtisadi fəallığına dəstək” layihəsində iştirak edib. “Tələbələrin Akselerasiya Proqramı” (TAP) üzrə tərəfdaş qismində çıxış edən lider mobil operator məhdud fiziki imkanlara malik insanların əmək bazarına çıxışının asanlaşdırılmasına yönəlik xüsusi təlimlər təşkil edib. Şirkət proqram iştirakçılarına potensiallarını inkişaf etdirməyə dəstək olmaq, müasir əmək bazarına uğurlu inteqrasiya üçün təbəb olunan bacarıq və biliklərin aşılanmasını hədəfləyir.
-
Azercell-in korporativ müştəriləri üçün sənəd dövriyyəsi daha rahat, təhlükəsiz və sürətli oldu “Azercell Biznes” korporativ müştərilərinə göstərdiyi xidmətləri rəqəmsallaşdırmağa davam edir. Şirkət eyniadlı tətbiqinin imkanlarını genişləndirərək elektron sənəd dövriyyəsi üçün nəzərdə tutulan yeni həlli təqdim edir. Bu funksiya korporativ müştərilərə sənədləşmə prosesini daha çevik və rahat - rəqəmsal şəkildə həyata keçirmək imkanı verir. Belə ki, “Azercell Biznes” tətbiqi vasitəsilə sənədləri artıq kağız əsasında deyil, elektron şəkildə yaratmaq və imzalamaq mümkündür.
-
Çərşənbə günü Bakıda və Abşeronda gecə yağıntı gözlənilir, mülayim şimal-qərb küləyi əsəcək.
-
İnnovasiya və sürət lideri “Bakcell” ölkənin ilk rəqəmsal bankı “Birbank” ilə əməkdaşlıq çərçivəsində yeni “Birinci” tarif paketini təqdim edir.
Rəy yaz