Rəcəb Tayyib Ərdoğan: “Ermənistan Zəngəzur dəhlizindən imtina edərsə, kommunikasiyalar İrandan çəkiləcək”
Bakı/26.09.23/Turan: Əgər Ermənistan Zəngəzur dəhlizi layihəsindən imtina etsə, nəqliyyat kommunikasiyaları İran vasitəsilə çəkiləcək. Bu barədə bu gün Türkiyə prezidenti Rəcəb Tayyib Ərdoğan bildirib.
Onun sözlərinə görə, Zəngəzur dəhlizi "Bakı-Tbilisi-Qars"dan sonra Cənubi Qafqaz vasitəsilə "Şərq-Qərb" istiqamətində qlobal yük daşımalarının ikinci nəqliyyat arteriyası olacaq.
O, istənilən halda çəkiləcək, lakin onun marşrutunun necə olacağı Ermənistanın siyasi iradəsindən asılıdır, Türkiyə prezident qeyd edib.
Əvvəlcə marşrutun Azərbaycanın qərb rayonları ilə Naxçıvan Muxtar Respublikası arasında ən qısa yol ilə - Ermənistan ərazisilə keçməsi planlaşdırılırdı.
Ancaq nədənsə Ermənistan belə dəhlizin onun İranla ticarət əlaqələrinə maneə olacağına qərar verib.
Türkiyə prezidenti qeyd edib ki, belə olan halda Ermənistan nəqliyyat marşrutlarının yaradılmasında iştirakdan imtina edərsə, o, İran ərazisilə keçə bilər – bu, onu bir qədər uzadacaq, amma onun tikintisinə maneə olacaq qədər yox.
"İran buna müsbət yanaşır, odur ki, İrandan Azərbaycana yol çəkilə bilər", - Ərdoğan deyib.
Qeyd edək ki, sərhəd boyunca Naxçıvana avtomobil yolunun tikintisilə bağlı Bakı və Tehran arasında razılaşma var. --06B--
-
- Cəmiyyət
- 26 Sentyabr 2023 15:43
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz