Bakı/06.08.18/Turan: Baş Prokurorluqda 96 karxananın qanunsuz istismarı ilə bağlı 8 cinayət işi başlanıb.
Araşdırma Ekologiya və Təbii Sərvətlər Nazirliyinin əməkdaşlarının qum-çınqıl yataqlarının, əsasən çay məcralarının istifadəsi zamanı qanunvericiliyin pozulması faktlarını aşkar etməsilə əlaqədar başlayıb. Məlumatı Baş Prokurorluğun mətbuat xidməti yayıb
Toplanmış materialların əsasında CM-in 192-ci (qanunsuz sahibkarlıq), 247-ci (işlərin yerinə yetirilməsi zamanı ətraf mühitin mühafizəsi (qorunması) qaydalarını pozma), 308-ci (vəzifə səlahiyyətlərindən sui-istifadə) və digər maddələri ilə 8 cinayət işi başlanıb. İstintaqı baş prokuror yanında Korrupsiyaya Qarşı Mübarizə Baş İdarəsi aparır.
"Avro-Asiya İnşaat Korporasiyası Evrascon" ASC-nin rəhbəri Manaf Şirinov, "Titanik-5" MMC-nin rəhbəri Şahin Məmmədov, "Azvirt" MMC-nin iş icraçısı İbrahim Quluyev, "Alyans" MMC-nin rəhbəri Nəriman Yəhyayev, "Gülövşə" MMC-nin rəhbəri Mahir Allahverdiyev və "Qara-Qum Holdinq" MMC-nin rəhbəri Yasif Ağayev cinayət məsuliyyətinə cəlb edilib. Onların barəsində polisin nəzarəti altına verilmə həbs qətimkan tədbiri seçilib. Bəzi şəxslər həbs olunub.
İstintaq zamanı vətəndaşlara və dövlətə 2,7 milyon manat məbləğində maddi ziyanın vurulması, habelə 182 min manat məbləğində vergidən yayınma halları müəyyən edilib.
Dəymiş ziyanın ödənilməsi təmin edilib. Cinayət işləri baxılmaq üçün aidiyyatı məhkəmələrə göndərilib.-06D--
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz