Bakı/10.04.19/Turan: Aprelin 10-da Bakı Apellyasiya Məhkəməsi 30 sutka həbs edilmiş gənc fəal Bayram Məmmədovun şikayətini təmin etməyib.
"Bilirəm ki, sizdən ədalətli qərar gözləməyə dəyməz, mən apellyasiya verdim ki, məhkəməyə gəlim və öz dostlarımı görüm", - fəal proses zamanı deyib.
Nə xahiş etməsilə bağlı sualın cavabında fəal deyib: "Mən xahiş etmirəm, ədalətsiz hökmün ləğvini tələb edirəm."
Öz növbəsində vəkil Elçin Sadıqov bildirib ki, təcridxanada Bayram Məmmədov işgəncələrə və təhqirlərə məruz qalıb.
Qısa məşvərətdən sonra hakim elan edib ki, 30 sutka həbs cəzası qüvvədə qalıb.
* Bayram Məmmədov və Qiyas İbrahimov 2016-cı ildə Heydər Əliyevin abidəsini yazdıqdan sonra həbs olunmuşdular. Onlar narkotik maddənin qanunsuz dövriyyəsi ittihamı ilə 10 il azadlıqdan məhrum edilmişdilər. Amnesty International hüquq-müdafiə təşkilatı onları "vicdan məhbusu" kimi tanıyıb. Bu il martın 16-da əfv olunublar. B.Məmmədov azadlığa çıxdıqdan sonra KİV-də və sosial şəbəkələrdə Azərbaycan hakimiyyətini kəskin tənqid edib. -21С-
Cəmiyyət
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
Rəy yaz