Bakı/29.06.18/Turan: İyulun 1-dən Bakı metropoliteni yay iş qrafikinə keçir, bu, sərnişin axınının azalması ilə bağlıdır.
"Bakı Metropoliteni" QSC-nin məlumatına görə, iyulun 1-dən tədris ilinin başlanğıcına qədər (15 sentyabr) "Həzi Aslanov" stansiyasından "28 May" stansiyasına qədər və əks istiqamətdə qatarların hərəkət intervalı əvvəlki kimi 2 dəqiqə deyil, 2,5 dəqiqə təşkil edəcək.
Səhər tezdən və axşam sərnişin axını azaldıqda interval 3 dəqiqəyə qədər və daha çox artırılacaq.
"28 May" stansiyasından "İçərişəhər" və "Dərnəgül" stansiyalarına olan məsafədə sərnişinlərin çox olduğu zaman interval beş dəqiqə, qalan vaxt 6 dəqiqə və daha çox olacaq. -06D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz